കുപ്രസിദ്ധ പിടികിട്ടാ പുള്ളിയായ സുകുമാര കുറുപ്പിന്റെ ജീവിത കഥ പറയുന്ന ദുൽഖർ സൽമാൻ ചിത്രം കുറുപ്പിന്റെ അണിയറ ചിത്രങ്ങൾ പുറത്തായി. ഊശാൻ താടിയും, കൂളിംഗ് ഗ്ലാസ്സുമായി എത്തുന്ന ദുൽഖറിന്റെ ചിത്രമാണ് പുറത്തായിരിക്കുന്നത്. മുൻകാലങ്ങളിലെ അധോലോക നായകന്മാരെ ഓർമിപ്പിക്കും വിധമുള്ള ദുൽഖുറിന്റെ ഗെറ്റ് അപ്പ് വൈറൽ ആവുകയാണ്.
സെക്കന്റ് ഷോ, കൂതറ എന്നീ ചിത്രങ്ങള്‍ക്ക് ശേഷം ശ്രീനാഥ് രാജേന്ദ്രന്‍ സംവിധാനം ചെയ്യുന്ന പുതിയ ചിത്രമാണ് കുറുപ്പ്. ദുൽഖറിന്റെ അരങ്ങേറ്റ ചിത്രമാണ് സെക്കന്റ് ഷോ.
കുറുപ്പ് ഒരു മള്‍ട്ടിസ്റ്റാര്‍ ചിത്രമെന്നാണ് റിപ്പോർട്ട്. ടോവിനോ തോമസ്, സണ്ണി വെയ്ന്‍, ഇന്ദ്രജിത് സുകുമാരന്‍, ഷൈന്‍ ടോം ചാക്കോ തുടങ്ങിയ പ്രമുഖ താരനിര ചിത്രത്തിലുണ്ട്. ബോളിവുഡ് താരമായ ശോഭിത ധുലിപാലയാണ് ദുൽഖുറിന്റെ നായിക.
Post Your Comments