മോഹന്‍ലാലും സൂര്യയും ഒന്നിച്ച് അഭിനയിച്ച ചിത്രമാണ് കാപ്പാന്‍. തുടക്കം മുതല്‍ത്തന്നെ വാര്‍ത്തകളില്‍ നിറഞ്ഞുനിന്ന ചിത്രത്തിന് റിലീസിന് ശേഷം വ്യത്യസ്തമായ പ്രതികരണങ്ങളായിരുന്നു ലഭിച്ചിരുന്നത്. ചിത്രം പ്രതീക്ഷിച്ചത്ര നല്ല പ്രകടമായിരുന്നില്ല എന്നാണ് പലരും പറഞ്ഞത്. തിയേറ്ററുകളില്‍ നിന്നും സമ്മിശ്ര പ്രതികരണം ലഭിച്ച സിനിമ അടുത്തിടെയാണ് ആമസോണ്‍ പ്രൈമിലേക്ക് എത്തിയത്.
നടിപ്പിന്‍ നായകനും കംപ്ലീറ്റ് ആക്ടറും ഒരുപോലെ നിരാശപ്പെടുത്തിയെന്നുള്ള അഭിപ്രായങ്ങളാണ് ഇപ്പോള്‍ പുറത്തുവന്നിട്ടുള്ളത്. നിരവധി പേരാണ് ചിത്രത്തെ ട്രോളിയും വിമര്‍ശിച്ചും എത്തിയിട്ടുള്ളത്. ആമസോണ്‍ പ്രൈമില്‍ നിന്നാണ് സിനിമ കണ്ടതെന്നും ഇതിന് ശേഷമാണ് ഈ വിലയിരുത്തലുകളെന്നും പലരും പറഞ്ഞിട്ടുമുണ്ട്. സൂര്യയ്ക്ക് ഇതിലും നന്നായി ചെയ്യാന്‍ കഴിയുമായിരുന്നുവെന്നും തിരക്കഥ തിരഞ്ഞെടുക്കുന്ന കാര്യത്തില്‍ അദ്ദേഹം കുറച്ചുകൂടി ശ്രദ്ധിക്കേണ്ടിയിരിക്കുന്നുവെന്നുമായിരുന്നു ഒരാളുടെ കമന്റ്. ഫസ്റ്റ് ഹാഫ് നന്നായിരുന്നുവെന്നും രണ്ടാം പകുതിയാണ് നിരാശപ്പെടുത്തിയതെന്നുമായിരുന്നു മറ്റൊരാളുടെ കമന്റ്. പൊളിറ്റിക്കല്‍ ത്രില്ലര്‍ ചിത്രം വല്ലാതെ നിരാശപ്പെടുത്തിയെന്നുള്ള കമന്റുകളുമുണ്ട്. ആര്യ, സയേഷ തുടങ്ങിയവരാണ് ചിത്രത്തിൽ മറ്റ് കഥാപത്രങ്ങളെ അവതരിപ്പിച്ചത്.
Post Your Comments