സാധാരക്കാര്‍ മുതല്‍ സിനിമാ താരങ്ങള്‍ വരെ ഇന്ത്യയൊട്ടാകെ കഴിഞ്ഞ ദിവസം ദീപാവലി ആഘോഷത്തിലായിരുന്നു. ബോളിവുഡില്‍ നിന്നും പ്രിയങ്ക-നിക്ക്, അഭിഷേക് ബച്ചന്‍, അമിതാഭ് ബച്ചന്‍ കുടുംബം, എന്നിങ്ങനെ താരകുടുംബങ്ങളെല്ലാം ദീപാവലി ആര്‍ഭാടമായി തന്നെ ആഘോഷിച്ചു.
അതില്‍ ശ്രദ്ധേയം നടന്‍ അമിതാഭ് ബച്ചന്‍ ഒരുക്കിയ പാര്‍ട്ടിയായിരുന്നു. ദീപാവലി ആഘോഷങ്ങളുടെ ഭാഗമായി മുംബൈ ബംഗ്ലാവില്‍ നിന്നുമായിരുന്നു ബിഗ് ബിയും കുടുംബവും ആഘോഷ പരിപാടി നടത്തിയത്. സുഹൃത്തുക്കളും ബന്ധുക്കളും സഹപ്രവര്‍ത്തകരുമെല്ലാം പങ്കെടുത്ത ചടങ്ങില്‍ കേരളത്തില്‍ നിന്നും നടന്‍ ദുല്‍ഖര്‍ സല്‍മാനും ഭാര്യ അമാല്‍ സൂഫിയയുമായിരുന്നു അമിതാഭ് ബച്ചനൊരുക്കിയ പാര്‍ട്ടിയില്‍ പങ്കെടുക്കാന്‍ എത്തിയ മലയാളി താരങ്ങള്‍
ബോളിവുഡിന്റെ കിംഗ് ഖാന്‍ ഷാരുഖ് ഭാര്യ ഗൗരി ഖാനൊപ്പമാണ് എത്തിയത്. ഹേമ മാലിനി, ഷാഹിദ് കപൂറും ഭാര്യ മിറയും, റാണി മുഖര്‍ജി, ബിപാഷ ബാസു, കരണ്‍ സിംഗ് ഗ്രേവര്‍, കത്രീന കൈഫ്, സകുടുംബം മുകേഷ് അംബാനി, വിരാട് കോലിയും അനുഷ്‌ക ശര്‍മ്മയുമടക്കം നിരവധി താരങ്ങള്‍ ചടങ്ങില്‍ ശ്രദ്ധേയരായി.
Post Your Comments