പിന്നെ സംഭവം ശരിയാട്ടോ ആഞ്‌ജലീന ജോളിയെപ്പോലെയുണ്ട് ; ജ്യോത്സ്‌നയുടെ പുതിയ ലുക്ക് കണ്ട് ആരാധകര്‍

പാട്ട് കേട്ടാൽ ഒരു ഫീനിക്‌സ് പക്ഷിയെപ്പോലെ പറന്നുയർന്നു പോകുന്നെരു ഫീൽ. അതാണ് ഗായിക ജ്യോത്സനയും ഉദ്ദേശിച്ചിരുന്നത്. ജ്യോത്സനയുടെ ഏറ്റവും പുതിയ ആൽബത്തെകുറിച്ചാണ് പറയുന്നത്.  നമ്മിലെ നമ്മെ തിരിച്ചറിയുക എന്ന മനോഹരമായ സന്ദേശം നൽകുന്ന ഗാനം യൂട്യൂബില്‍ ഹിറ്റാകുന്നു.  എന്‍സോ, കിങ്‌സുയി എന്നീ ജാപ്പനീസ് ആശയങ്ങളില്‍ നിന്നും പ്രചോദനമുള്‍ക്കൊണ്ട് ചെയ്തിരിക്കുന്ന വീഡിയോ യുവാക്കള്‍ക്കിടയില്‍ ഹരമായിക്കൊണ്ടിരിക്കുകയാണ്. വീഡിയോയില്‍ പല രൂപഭാവങ്ങളിലും പ്രത്യക്ഷപ്പെടുന്ന ജ്യോത്സ്‌നയെക്കണ്ട് ‘ആഞ്ജലീന ജോളിയെപ്പോലെയുണ്ടല്ലോ’ എന്നും ആരാധകര്‍ പറയുന്നു. വിനായക് ശശികുമാറിന്റേതാണ് വരികള്‍. ജ്യോത്സയുടെ സംഗീതവും. മ്യൂസിക് വീഡിയോയും ദൃശ്യഭംഗി കൊണ്ട് കാഴ്ച്ചക്കാരെ പിടിച്ചിരുത്തുന്നുണ്ട്.