ഷൈലോക്ക് എന്ന പലിശക്കാരൻ പരുന്തിനും മുകളിൽ പറക്കും; അല്ലെങ്കിൽ പണി നിർത്തുമെന്ന് നിർമ്മാതാവ്

അജയ് വാസുദേവ് സംവിധാനം ചെയ്യുന്ന മമ്മൂട്ടിയുടെ പുതിയ ചിത്രമാണ് ഷൈലോക്ക്.
മമ്മൂട്ടിക്കൊപ്പം തമിഴ് താരം രാജ് കിരണും പ്രധാന വേഷത്തിലെത്തുന്ന ചിത്രത്തിൽ മീനയാണ് നായികയാകുന്നത്. ജോബി ജോർജ്ജാണ് ചിത്രം നിർമ്മിക്കുന്നത്.

ഇപ്പോഴിതാ ചിത്രത്തിന്റയെ നിർമ്മാതാവ് പറഞ്ഞ വാക്കുകളാണ് സോഷ്യൽ മീഡിയയിൽ ചർച്ച ചെയ്യുന്നത്. ഷൈലോക്ക് പൊളിയുകയാണെങ്കിൽ താൻ ഈ പണി നിർത്തുമെന്നാണ് അദ്ദേഹം പറഞ്ഞത്.  ഷൈലോക്കുമായി ബന്ധപ്പെട്ട ഒരു കുറിപ്പിന് താഴെ, പരുന്ത് എന്ന ചിത്രത്തിലും മമ്മൂട്ടി പലിശക്കാരന്റെ റോളിൽ ആണ് എത്തിയതെന്നും ആ സിനിമ വിജയമായില്ലെന്നും ഒരു പ്രേക്ഷകൻ എഴുതിയിരുന്നു. ആ കമന്റിന് മറുപടിയായാണ് പരാജയപ്പെട്ടാൽ പണി നിർത്തുമെന്ന് നിർമ്മാതാവ് എഴുതിയിരിക്കുന്നത്.

ഷൈലോക്ക് എന്ന പലിശക്കാരൻ പരുന്തിനും മുകളിൽ പറക്കുമെന്നും അല്ലെങ്കിൽ താൻ ഈ പണി നിർത്തുമെന്നുമാണ് ജോബി ജോർജ്ജ് കുറിച്ചത്.നിർമ്മാതാവിന്റയെ ഈ ആത്മവിശ്വാസം നിറഞ്ഞ മറുപടി മമ്മൂട്ടി ആരാധകരിൽ പ്രതീക്ഷ ഇരട്ടിയാക്കിയിരിക്കുകയാണ്.