ശകുന്തള ദേവിയുടെ മകളായി സാന്യ മല്‍ഹോത്ര; ഫസ്റ്റ് ലുക്ക് പുറത്ത്

ഇന്ത്യൻ ഹ്യൂമൻ കമ്പ്യൂട്ടര്‍ എന്നറിയപ്പെടുന്ന ശകുന്തള ദേവിയുടെ ജീവിതം വെള്ളിത്തിരയിലേക്ക് എത്തിക്കുകയാണ് അനു മേനോൻ എന്ന സംവിധായകൻ. വിദ്യാ ബാലനാണ് ചിത്രത്തിൽ ശകുന്തള ദേവിയായിട്ട് അഭിനയിക്കുന്നത്. ശകുന്തള ദേവിയുടെ മകളുടെ വേഷത്തില്‍ എത്തുന്നത് സാന്യ മല്‍ഹോത്രയാണ്. ചിത്രത്തിലെ സാന്യ മല്‍ഹോത്രയുടെ ഫസ്റ്റ് ലുക്ക് പോസ്റ്റർ പുറത്തുവിട്ടു.

അനുപമ ബാനര്‍ജി എന്ന കഥാപാത്രമായിട്ട് അഭിനയിക്കുന്നതിന്റെ ആവേശത്തിലാണ് താനെന്ന് സാന്യ മല്‍ഹോത്ര പറയുന്നു. ചിത്രത്തിലെ എന്റെ ലുക്ക് ഇപ്പോള്‍ തന്നെ എനിക്ക് പ്രിയപ്പെട്ടതായിരിക്കുന്നുവെന്നും സാന്യ മല്‍ഹോത്ര പറയുന്നു.