സന്തോഷ് കീഴാറ്റൂര്‍ കേന്ദ്ര കഥാപാത്രമാകുന്ന പുതിയ ചിത്രമാണ് ‘ഓടുന്നോന്‍’. സിനിമയുടെ ട്രെയിലര്‍ മോഹന്‍ലാല്‍ റിലീസ് ചെയ്തു. ‘ഭയം ചിന്തകളില്‍ ഇരുട്ടു നിറയ്ക്കും, കാഴ്ച്ചകളെ കറുപ്പിച്ചു കളയും, പുഞ്ചിരിയെ കവര്‍ന്നെടുക്കും. ഭയം നിങ്ങളെ നിങ്ങളല്ലാതാക്കും.’ എന്ന മോഹന്‍ലാലിന്റെ വാക്കുകളോടെയാണ് ട്രെയിലര്‍ പുറത്തിറങ്ങിരിക്കുന്നത്. നൗഷാദ് ഇബ്രാഹിം ആണ് ചിത്രം സംവിധാനം ചെയ്തിരിക്കുന്നത്.
അഡ്വ സത്യന്‍ കൊയിലാണ്ടി, സുമേഷ് വൈശാഖ്, ഷമേഗ് വടകര എന്നിവര്‍ ചേര്‍ന്നാണ് സിനിമ നിര്‍മ്മിച്ചിരിക്കുന്നത്. നൗഷാദ് ഷെരീഫ് ആണ് ഛായാഗ്രഹണം. ഗാനരചന ഗീത എസ്. സംഗീതം എസ് ബിജു. ജയ നൗഷാദ്, ശിവജി ഗുരുവായൂര്‍, രാജേഷ് ശര്‍മ്മ, രമാദേവി, എം.ജി ശശി, ശാലിനി, കബനി, ജിജോയ്, രവി കാപ്പാട് തുടങ്ങിയവരും ചിത്രത്തില്‍ പ്രധാന കഥാപാത്രങ്ങളായി എത്തുന്നു. ഒക്ടോബര്‍ 25 ന് ചിത്രം തീയേറ്ററുകളിലെത്തും.
Post Your Comments