നാല് വർഷങ്ങൾക്ക് ശേഷം സുരേഷ് ഗോപി മലയാളസിനിമയിൽ തിരിച്ചെത്തുന്നു

അനൂപ് സത്യൻ സംവിധാനം ചെയ്യുന്ന പുതിയ ചിത്രത്തിലൂടെ സുരേഷ് ഗോപി വീണ്ടും മലയാള സിനിമയിൽ തിരിച്ചെത്തുകയാണ്. നാല് വർഷങ്ങൾക്ക് ശേഷമാണ് സുരേഷ് ഗോപി സിനിമയിലേക്ക് തിരിച്ചെത്തുന്നത്. ദുൽഖർ ആണ് ചിത്രം നിർമിക്കുന്നത്. സിനിമയുടെ ലൊക്കേഷൻ ചിത്രങ്ങൾ സുരേഷ് ഗോപി തന്റെ ഫെയ്സ്ബുക്ക് പേജിലൂടെ പങ്കുവെച്ചിരുന്നു.

ശോഭന, കല്യാണി പ്രിയദർശൻ എന്നിവരാണ് സിനിമയിലെ മറ്റുതാരങ്ങൾ. ദുൽഖർ അതിഥി വേഷത്തില്‍ എത്തുന്നു. ‘ചെന്നൈയിൽ സ്ഥിരതാമസമാക്കിയ രണ്ടുപേരുടെ കഥയാണ് ചിത്രം പറയുന്നത്.  അൽഫോൻസാണ് ചിത്രത്തിന് സംഗീതം നിർവഹിക്കുന്നത്. മുകേഷ് മുരളീധരനാണ് ഛായാഗ്രഹണം.