മോഹന്‍ലാല്‍- മഞ്ജു വാര്യര്‍ കോമ്പിനേഷന്‍ പ്രേക്ഷകരുടെ ഇഷ്ട താര ജോഡികളാണ്. മോഹന്‍ലാല്‍ എന്ന നടന്റെ അഭിനയ പെരുമയെക്കുറിച്ച് മഞ്ജു വാര്യര്‍ പലവേദികളിലും പങ്കുവെച്ചിട്ടുണ്ടെങ്കിലും മഞ്ജു വാര്യര്‍ എന്ന നടിയെക്കുറിച്ചുള്ള മോഹന്‍ലാലിന്‍റെ അഭിപ്രായം എന്താണെന്ന് അറിയാന്‍ ആരാധകര്‍ക്ക് ആഗ്രഹം ഉണ്ടാകും. ഒരു സ്വകാര്യ എഫ്എമിന് നല്‍കിയ അഭിമുഖത്തില്‍ മോഹന്‍ലാല്‍ മഞ്ജു വാര്യര്‍ എന്ന നടിയുടെ കഴിവിനെക്കുറിച്ച് തുറന്നു സംസാരിക്കുകയാണ്.
‘മഞ്ജു വാര്യര്‍ വളരെ കഴിവുള്ള ഒരു നടിയാണ്. ഒരു സിനിമയെ അല്ലെങ്കില്‍ ഒരു കഥാപാത്രത്തെ എത്രയും ബെറ്റര്‍ ആക്കാനുള്ള ഹോംവര്‍ക്ക് ചെയ്യുന്ന ആളായിരിക്കും, നമുക്ക് തോന്നില്ലെങ്കിലും. ഒരു ക്യാരക്ടര്‍ എങ്ങനെ പ്രസന്റ് ചെയ്യണമെന്നതിനെക്കുറിച്ച് നല്ല ധാരണയുള്ള കുട്ടിയാണ് മഞ്ജു. ഭയങ്കര സ്ക്രീന്‍ പ്രസന്‍സുള്ള നടി കൂടിയാണ് മഞ്ജു വാര്യര്‍’. മോഹന്‍ലാല്‍ വ്യക്തമാക്കുന്നു.
ആറാം തമ്പുരാന്‍, കന്മദം തുടങ്ങിയ നിരവധി സൂപ്പര്‍ ഹിറ്റ് ചിത്രങ്ങളിലും ഇവര്‍ താര ജോഡികളായി അഭിനയിച്ചു. മഞ്ജു വാര്യര്‍ അഭിനയിച്ച സിനിമകളില്‍ ഏറ്റവും കൂടുതല്‍ നായകനായി അഭിനയിച്ചതും മോഹന്‍ലാല്‍ ആയിരുന്നു. അടുത്തിടെ ഇറങ്ങിയ വില്ലന്‍ ഒടിയന്‍ ലൂസിഫര്‍ തുടങ്ങിയ ചിത്രങ്ങളിലും മഞ്ജു വാര്യര്‍ മോഹന്‍ലാല്‍ ടീമിന്റെ സാന്നിധ്യം ശ്രദ്ധേയമായിരുന്നു.
Post Your Comments