ആർക്ക് വേണ്ടിയാണ് ഇത് ചെയ്യുന്നത്? നടന്‍ ആദിത്യനെക്കുറിച്ച് സുഹൃത്തിന്റെ വെളിപ്പെടുത്തല്‍

കുടുംബ പ്രേക്ഷകരുടെ ഇഷ്ടതാരങ്ങളാണ് നടി അമ്പിളി ദേവിയും ഭർത്താവ് ആദിത്യനും. ജനപ്രിയ പരമ്പരകളിലൂടെ പ്രേക്ഷകരുടെ ഇഷ്ട താരങ്ങളായി മാറിയ ഈ താര ദമ്പതിമാര്‍ സോഷ്യല്‍ മീഡിയയിലും സജീവമാണ്. ആദിത്യൻ ജയനെ കലാലോകം അകറ്റി നിർത്തുന്നതായി സുഹൃത്തിന്റെ ഫെയ്സ്ബുക്ക് കുറിപ്പ്. ആദിത്യന്റെ സുഹൃത്തായ ആര്യൻ നിഷാദാണ് ഫേസ്ബുക്ക് കുറിപ്പിലൂടെ ആദിത്യനെതിരെ കലാലോകത്ത് ഒതുക്കലുകള്‍ നടക്കുന്നതായി ആരോപിച്ചിരിക്കുന്നത്.

ആര്യന്റെ ഫേസ്ബുക്ക് കുറിപ്പ്

‘എന്തിനു വേണ്ടിയാണ്, ആർക്ക് വേണ്ടിയാണ്, അനശ്വരനായ ജയന്റെ സഹോദരപുത്രനായ ആദിത്യൻ ജയൻ എന്ന ഈ അനുഗ്രഹീത കലാകാരനെ കലാലോകം ഇങ്ങനെ അകറ്റി നിർത്തുന്നത്. ആരൊക്കെ അകറ്റി നിർത്തിയാലും പ്രിയ സുഹൃത്തേ കൂടെ ഞാനുണ്ട്. കൂടാതെ താങ്കളെ സ്നേഹിക്കുന്ന ഒരു പാട് പേർ ഉണ്ട്. ഒപ്പം അനശ്വരനായ ജയൻ സാറിന്റെ അദൃശ്യ സാന്നിധ്യവും എന്നും കൂടെ ഉണ്ടാവും. താങ്കൾ എന്റെ സുഹൃത്തായതിൽ ഞാൻ അഭിമാനിക്കുന്നു.

dont worry dear ആദിത്യൻ. – ആര്യൻ കുറിച്ചു.

തൊട്ടുപിന്നാലെ ഇതിന് മറുപടിയുമായി ആദിത്യനും രംഗത്തെത്തിയിട്ടുണ്ട്. ,എന്നെ ‘ആരും അകറ്റി നിർത്തിയതല്ല. കുറച്ചു സമയം മോശം. തിരിച്ചു വരും, ശക്തമായി തന്നെ. കാരണം ജോലിയിൽ ഞാൻ കള്ളം കാണിച്ചിട്ടില്ല. സുഹൃത്തേ, എന്നെ സ്നേഹിക്കുന്നവർ ഒരുപാട് പേരാണ്. അവരുടെ പ്രാർത്ഥന ഉണ്ട് എന്റെ ഒപ്പം. വിജയ് സർ പറഞ്ഞതു പോലെ എനിക്ക് പോകേണ്ട ട്രെയിൻ വരാൻ അൽപം വെയ്റ്റ് ചെയ്യുന്നു. അത്രേ ഉള്ളൂ. അതു വരെ കാഴ്ച കണ്ടു നിൽക്കുന്നു എന്നു മാത്രം. എനിക്കു വേണ്ടി എഴുതിയ ഈ പോസ്റ്റിനു നന്ദി’ എന്ന് കമന്റായി ആദിത്യൻ മറുപടിയും നല്‍കി