ചിത്രീകരണത്തിനിടെ സ്റ്റണ്ട് ആർട്ടിസ്റ്റുകളോട് മാപ്പ് പറയുന്ന നടന്‍ അജിത്തിന്റെ വീഡിയോ സോഷ്യല്‍ മീഡിയയില്‍ ചര്‍ച്ച ചെയ്യുന്നു. അജിത്ത് നായകനായി എത്തിയ ‘നേർകൊണ്ട പാർവൈ’ തിയറ്ററുകളിൽ വിജയകരമായി മുന്നേറുകയാണ്. ആ ചിത്രത്തിലെ സിനിമയിലെ ആക്‌ഷൻ സീക്വൻസ് മേക്കിങ് വിഡിയോ അണിയറപ്രവർത്തകർ റിലീസ് ചെയ്തിരിക്കുന്നു.
ഓരോ ഫൈറ്റ് കഴിയുമ്പോഴും സ്റ്റണ്ട് ആർട്ടിസ്റ്റുകളോട് ക്ഷമ ചോദിക്കുകയാണ് താരം. പലപ്പോഴും സാഹസികമായ അപകടരംഗങ്ങൾ ഡ്യൂപ്പിനെ ഉപയോഗിക്കാതെ സ്വയം ചെയ്യുന്ന താരമാണ് അജിത്ത്. താൻ മൂലം ഡ്യൂപ്പ് ചെയ്യുന്നവർക്ക് ഒന്നും സംഭവിക്കരുതെന്നതാണ് അജിത്തിന്റെ നിലപാട്.
ഈ ആക്‌ഷൻ സീക്വൻസ് വീഡിയോ ഏറ്റെടുത്തിരിക്കുകയാണ് ആരാധകര്‍.
Post Your Comments