ശൂ, ആള് മാറി, അതിവിടെയല്ല” ആരാധകന് ടൊവീനോയുടെ കിടിലന്‍ മറുപടി

ആരാധകൻ ചോദിച്ച കൂളിങ് ഗ്ലാസ് വീട്ടിലെത്തിച്ചുകൊടുത്ത് സോഷ്യല്‍ മീഡിയയില്‍ നടന്‍ ഉണ്ണി മുകുന്ദൻ കൈയ്യടി നേടിയത് അടുത്തകാലത്താണ്. എന്നാല്‍ ആ ആയുധം ഒരിക്കൽ കൂടി പരീക്ഷിക്കപ്പെട്ടു, എന്നാല്‍ വമ്പന്‍ പരാജയമായി. സംഭവം ഇങ്ങനെ.. കൂളിങ് ഗ്ലാസ് വച്ചുള്ള ചിത്രങ്ങൾ ടൊവീനോ ഇൻസ്റ്റഗ്രാമിൽ പോസ്റ്റ് ചെയ്തിരുന്നു. ഇത് കണ്ട ഒരു ആരാധകന്‍ ‘ഇങ്ങള് ആ കണ്ണട തരോ’ എന്ന കമന്റുമായി എത്തി. അധികം വൈകാതെ ടൊവീനോയുടെ മറുപടിയുമെത്തി. ”ശൂ, ശൂ, ആള് മാറി, അതിവിടെയല്ല” എന്നായിരുന്നു ടൊവീനോയുടെ മറുപടി

ഇപ്പോള്‍ സോഷ്യല്‍ മീഡിയ ഏറ്റെടുത്തിരിക്കുകയാണ് ഈ സംഭാഷണം. പോസ്റ്റിനു താഴെ രസകരമായ കമന്റുകൾ പങ്കുവയ്ക്കുകയാണ് ആരാധകര്‍. ‘എന്നാലും കൊടുക്കാമായിരുന്നു വെറുതെ ഒന്നുമല്ലല്ലോ നല്ലോണം ഇരന്നിട്ടല്ലേ”, ”പണ്ട് എയർപോർട്ടിൽ വച്ചൊരു ചേച്ചി ‘ഉണ്ണിമുകുന്ദാ’ എന്നും വിളിച്ചു വന്നതല്ലേ… എവിടെ ചെന്നാലും ഇതാണല്ലോ അവസ്ഥ”, എന്നിങ്ങനെ രസകരമായ മറുപടികളാണ് വന്നുകൊണ്ടിരിക്കുന്നത്.