നാട്ടുകാരെ ഭീതിയിലാഴ്ത്തി അപകടരമായ രീതിയിലുള്ള ഡ്രൈവിങ്ങുമായി മലയോര ഹൈവേയില്‍ ജോലി നോക്കുന്ന ഹിറ്റാച്ചി ഡ്രൈവറുടെ പരാക്രമം. അപകരമായ ഈ ഡ്രൈവിംഗ് കണ്ടു നാട്ടുകാർ ഓടിക്കൂടുന്നത് ശ്രദ്ധയില്‍പ്പെട്ട നടനും എം എല്‍എയുമായ ഗണേഷ് കുമാർ തന്റെ വണ്ടി നിർത്തി സംഭവത്തിൽ ഇടപെട്ടു. മടത്തറ വേങ്കൊല്ല എന്ന സ്ഥലത്താണ് സംഭവം.
വണ്ടി നിർത്തി ഗണേഷ് കുമാർ നടന്നുവരുന്ന സമയത്ത് ഹിറ്റാച്ചി ഡ്രൈവർ 360 ഡിഗ്രിയിൽ വണ്ടി തിരിച്ചു. അദ്ഭുതകരമായാണ് താന്‍ രക്ഷപ്പെട്ടതെന്നും ഈ കാഴ്ച കണ്ടുകൊണ്ട് എംഎൽഎ എന്ന നിലയിൽ ഇവിടെ നിന്നും പോകാൻ കഴിയില്ലെന്നും ഗണേഷ് കുമാർ പറഞ്ഞു. വഴി തടഞ്ഞ് സ്ഥലത്ത് ഭീകരാന്തരീക്ഷം സൃഷ്ടിക്കുകയായിരുന്നു ഡ്രൈവറെന്ന് നാട്ടുകാർ ആരോപിച്ചു.
സംഭവസ്ഥലത്തു നിന്നൊരാൾ മൊബൈലിൽ പകർത്തിയ വിഡിയോയിൽ ഗണേഷ് കുമാർ ഇക്കാര്യങ്ങൾ പറയുന്നത് കേൾക്കാം. കടയ്ക്കൽ പൊലീസ് സ്റ്റേഷനിൽ കാര്യങ്ങൾ വിളിച്ചുപറഞ്ഞ ഗണേഷ് കുമാർ, ഡ്രൈവർക്ക് തക്കാതയ ശിക്ഷ നല്‍കുമെന്ന ഉറപ്പും നാട്ടുകാർക്ക് നൽകി.
Post Your Comments