ബിജു മേനോനും സംവൃത സുനിലും പ്രധാന വേഷങ്ങളിലെത്തുന്ന ചിത്രം സത്യം പറഞ്ഞാ വിശ്വസിക്കുവോ തിയേറ്ററുകളില്‍ എത്തിയിരിക്കുകയാണ്. ഇപ്പോഴിതാ തന്റെ കഥാപാത്രത്തെക്കുറിച്ച് തുറന്നു പറഞ്ഞ് രംഗത്തെത്തിയിരിക്കുകയാണ് ബിജു മേനോന്‍.
‘ദിവസക്കൂലിക്ക് അരിഷ്ടിച്ചു ജീവിക്കുന്ന ഒരു വാര്‍ക്കപ്പണിക്കാരന്റെ കഥാപാത്രത്തെയാണ് ഞാന്‍ അവതരിപ്പിക്കുന്നത്. ഭാര്യയും മകളും അടങ്ങുന്ന ചെറിയൊരു കുടുംബം. അയാളുടെയും സുഹൃത്തുക്കളുടെയും ജീവിതത്തില്‍ ഉണ്ടാകുന്ന ഒരു സംഭവവുമായി ബന്ധപ്പെട്ടാണ് കഥ മുന്നോട്ടു പോവുന്നത്. ഞാനിതുവരെ ചെയ്തിട്ടില്ലാത്ത തരത്തിലുള്ളൊരു കഥാപാത്രമാണ് ഇതിലെ സുനി. സിനിമാറ്റിക് കാഴ്ചകള്‍ക്ക് അപ്പുറം നമ്മുടെ തൊട്ടു മുമ്പില്‍ നടക്കുന്ന ഒരു കഥ പോലെ പ്രേക്ഷകര്‍ക്ക് അനുഭവിക്കാന്‍ കഴിയുന്ന രീതിയിലാണ് ചിത്രം ഒരുക്കിയിരിക്കുന്നത്,’ ബിജു മേനോനും സംവൃതയ്ക്കും പുറമേ അലന്‍സിയര്‍, സൈജു കുറുപ്പ്, സുധി കോപ്പ, സുധീഷ്, ശ്രീകാന്ത് മുരളി, വെട്ടുക്കിളി പ്രകാശ്, വിജയകുമാര്‍, ദിനേശ് പ്രഭാകര്‍, മുസ്തഫ, ബീറ്റോ, ശ്രീലക്ഷ്മി, ശ്രുതി ജയന്‍ തുടങ്ങിയവരും ചിത്രത്തിലുണ്ട്.
Post Your Comments