മലയാള സിനിമയില്‍ എന്നും അത്ഭുതങ്ങള്‍ സൃഷ്ടിച്ചിട്ടുള്ള സംവിധായകനാണ് ജോഷി, മമ്മൂട്ടി എന്ന സൂപ്പര്‍ താരത്തെ ഉയര്‍ത്തി കൊണ്ടുവന്നതിലും ജോഷിയുടെ പങ്ക് ശ്രദ്ധേയമാണ്, അടുത്തിടെയായി നല്ല സിനിമകള്‍ ജോഷിക്ക് സമ്മാനിക്കാന്‍ കഴിയുന്നില്ലെങ്കിലും വീണ്ടും അതിശക്തമായ ഒരു തിരിച്ചു വരവിലൂടെ മലയാള സിനിമയില്‍ സജീവമാകാന്‍ ഒരുങ്ങുകയാണ് താരം. ഇത്തവണ ജോജു ജോര്‍ജ്ജിനെ ഹീറോയാക്കിയാണ് ജോഷി തന്റെ ചിത്രം ബിഗ്‌ സ്ക്രീനിലെത്തിക്കാന്‍ തയ്യാറെടുക്കുന്നത്. പൊറിഞ്ചു മറിയം ജോസ് എന്ന് പേരിട്ടിരിക്കുന്ന ചിത്രം കോമഡി പ്ലസ് ആക്ഷന്‍ മൂഡിലാണ് പറയുന്നത്.
32 വര്‍ഷങ്ങള്‍ക്ക് മുന്‍പ് മമ്മൂട്ടിയെ നായകനാക്കി ജോഷി സംവിധാനം ചെയ്ത എവര്‍ഗ്രീന്‍ ഹിറ്റ് ചിത്രം ന്യൂഡല്‍ഹി മമ്മൂട്ടി എന്ന സൂപ്പര്‍ താരത്തെ മുന്നില്‍ നിര്‍ത്തിയ ചിത്രമായിരുന്നു. അത് പോലെ ജോജു ജോര്‍ജ്ജ് എന്ന സൂപ്പര്‍ താരത്തെ ഉദയം ചെയ്യിക്കുന്നതില്‍ പൊറിഞ്ചു മറിയം ജോസ് നിര്‍ണായക പങ്കുവഹിക്കുമോ എന്നാണ് പ്രേക്ഷകരുടെ ചോദ്യം. ജോജു ജോര്‍ജ്ജിന് പുറമേ ചെമ്പന്‍ വിനോദും ചിത്രത്തിലെ ടൈറ്റില്‍ കഥാപാത്രമായി അഭിനയിക്കുന്നുണ്ട്. 2015-ല്‍ മോഹന്‍ലാലിനെ കേന്ദ്ര കഥാപാത്രമാക്കി ചെയ്ത ഓ ലൈല ലൈലയാണ് അവസാനമായി ജോഷി സംവിധാനം ചെയ്ത ചിത്രം. 2012-ലെ റണ്‍ബേബി റണ്ണിനു ശേഷം ജോഷിക്ക് തന്റെ കരിയറില്‍ ഒരു ഹിറ്റില്ല.
Post Your Comments