നാളുകള്‍ നീണ്ട കാത്തിരിപ്പിനൊടുവിലാണ് മമ്മൂട്ടിയുടെ ഉണ്ട തിയേറ്ററുകളിലെത്തിയത്. ആദ്യ സിനിമയിലൂടെ തന്നെ ശ്രദ്ധേയനായി മാറിയ ഖാലിദ് റഹ്മാനാണ് ഉണ്ടയുടെ സംവിധായകന്‍. റിലീസിന് മണിക്കൂറുകള്‍ ശേഷിക്കുന്നതിനിടയിലാണ് സിനിമയുടെ മേക്കിംഗ് വീഡിയോ പുറത്തുവന്നത്. ചിത്രീകരണത്തിനിടയിലെ രംഗങ്ങളാണ് മേക്കിംഗ് വീഡിയോയിലുള്ളത്.
മോണിറ്ററിലൂടെ തന്റെ രംഗങ്ങള്‍ വീക്ഷിക്കുന്ന മമ്മൂട്ടിയും വീഡിയോയിലുണ്ട്. സംവിധായകന്‍ ഓക്കേ പറഞ്ഞിട്ടും എനിക്ക് വേണ്ടി ഒരിക്കല്‍ക്കൂടി എന്നായിരുന്നു അദ്ദേഹത്തിന്റെ വാക്കുകള്‍. കഥാപാത്രത്തിന്റെ പൂര്‍ണ്ണതയ്ക്കായി അങ്ങേയറ്റത്തെ പ്രയത്നങ്ങള്‍ നടത്താറുണ്ട് അദ്ദേഹം. ഇത്തവണത്തെ വരവിലും അദ്ദേഹം വിസ്മയിപ്പിക്കുമെന്ന കാര്യത്തില്‍ സംശയമില്ലെന്നാണ് ആരാധകരും പറയുന്നത്. മമ്മൂട്ടി കരിയറിലെ അടുത്ത ബ്ലോക്ക് ബസ്റ്ററാണ് ഉണ്ടയെന്ന പ്രവചനങ്ങള്‍ നേരത്തെ തന്നെ പുറത്തുവന്നിരുന്നു.
Post Your Comments