വൈറസിന്റെ റിലീസ് മാറ്റിവെയ്ക്കണമെന്ന് ആവശ്യപ്പെട്ട് യുവതി; കുറിപ്പ് വൈറല്‍

നിപ്പ രോഗം വിഷയമാക്കുന്ന സിനിമയാണ് വൈറസ്. ഈ മാസം ഏഴിനാണ് ആഷിഖ് അബു സംവിധാനം ചെയ്യുന്ന സിനിമയുടെ റിലീസ് തീരുമാനിച്ചിരുന്നത്. എന്നാല്‍ കേരളത്തില്‍ വീണ്ടും നിപ്പ സ്ഥിരീകരിച്ചപ്പോള്‍ ചിത്രത്തിന്റെ റിലീസ് മാറ്റിവയ്ക്കണമെന്ന് നിരവധി പേരാണ് ആവശ്യപ്പെട്ടു കൊണ്ടിരിക്കുന്നത്. അതില്‍ ഒരു യുവതിയുടെ കുറിപ്പാണ് വൈറലായിക്കൊണ്ടിരിക്കുന്നത്. പെരിന്തല്‍മണ്ണ സ്വദേശിയായ അനുപമ ആനമങ്ങാടാണ് ആഷിഖ് അബുവിനോട് ഈ ആവശ്യം ഉന്നയിച്ചിരിക്കുന്നത്. ഇപ്പോള്‍ ചിത്രം റിലീസ് ചെയ്താല്‍ അത് പരിഭ്രാന്തി പരത്തുകയാണ് ചെയ്യുകയെന്നും, അതിന് പകരം ജാഗ്രത പാലിക്കുകയാണ് വേണ്ടതെന്നും അനുപമ പറയുന്നു. ഫേസ്ബുക്ക് പോസ്റ്റിലൂടെയാണ് യുവതി ഇക്കാര്യം പറഞ്ഞത്.

ഫേസ്ബുക്ക് പോസ്റ്റിന്റെ പൂര്‍ണരൂപം

‘ആഷിക് അബുവിനോടും ടീമിനോടും ഒരു അഭ്യര്‍ത്ഥനയുണ്ട്. നിപ്പ ഭീതി വീണ്ടു പടരുന്ന സ്ഥിതിക്ക്, വൈറസ് മൂവീ റിലീസ് ഇപ്പോള്‍ ചെയ്യുന്നതില്‍ ധാര്‍മികമായ ഒരു പ്രശ്‌നമുണ്ടെന്ന് വ്യക്തിപരമായി എനിക്കു തോന്നുന്നു. കയ്യിലുള്ള റിസോഴ്‌സസ് ആരോഗ്യ വകുപ്പിന്റെ കാമ്പെയ്‌നുകളെ സഹായിക്കാന്‍ ഉപയോഗപ്പെടുത്താന്‍ പറ്റുമെങ്കില്‍ അതാവും ഉചിതം.

ഒന്നാമത്, ആള്‍ക്കൂട്ടത്തിരക്ക് ഉണ്ടാക്കും വിധമുള്ള സിനിമാറിലീസുകളും മറ്റു പരിപാടികളും എല്ലാം തന്നെ തത്കാലം മാറ്റിവെക്കുന്നതാവും നല്ലത്. മറ്റൊന്ന്, സിനിമയില്‍ കാണിക്കുന്ന പലതും കൂടുതല്‍ പരിഭ്രാന്തി പടര്‍ത്താനും കാരണമായേക്കും എന്ന് ആശങ്കയുണ്ട്.

ഇപ്പോള്‍ നമുക്കു വേണ്ടത് പരിഭ്രാന്തിയല്ല, ജാഗ്രതയാണ്. സിനിമയില്‍ സ്വാഭാവികമായും ഉള്‍പ്പെടുത്തുന്ന വൈകാരികതയും രോഗബാധിതരുടെ ചുറ്റുപാടുകളും മറ്റും മറിച്ചൊരു ഇഫക്ട് ഉണ്ടാക്കിയേക്കില്ലേ?

I think it is ethical to postpone the movie release until we have this under control, and we will. I don’t know if this request will reach them osmehow; just putting it here, hoping I won’t be the only one who feels this way.’

https://www.facebook.com/anupama.anamangad/posts/2432099170144292