ഉപ്പും മുളകില്‍ ഭാസി വരുന്നത് പുതിയ പ്രശ്‌നങ്ങള്‍ സൃഷ്ടിക്കാനോ?? പിന്നാലെ തന്നെ കേശുവും ശിവയും

കുടുംബ പ്രേക്ഷകരുടെ പ്രിയപ്പെട്ട പരമ്പരയാണ് ഉപ്പും മുളകും. ഇതിന്റെ എല്ലാ എപ്പിസോഡുകള്‍ക്കായും ആകാംക്ഷകളോടെയാണ് പ്രേക്ഷകര്‍ കാത്തിരിക്കാറുളളത്. ബാലുവിന്റെയും കുടുംബത്തിന്റെയും കളിചിരികളും തമാശകളുമാണ് പരമ്പരയില്‍ എപ്പോഴും ശ്രദ്ധേയമാവാറുളളത്. സ്വഭാവികമായ അഭിനയത്തിലൂടെയായിരുന്നു ഉപ്പും മുളകിലെ താരങ്ങളെല്ലാം തന്നെയും പ്രേക്ഷകരുടെ ഇഷ്ടം പിടിച്ചു പറ്റിയിരുന്നത്. ഉപ്പും മുളകിന്റെതായി അടുത്തിടെ പുറത്തിറങ്ങിയ എപ്പിസോഡുകളെല്ലാം ശ്രദ്ധേയമായി മാറിയിരുന്നു,. പരമ്പരയുടെതായി പുറത്തിറങ്ങാനിരിക്കുന്ന പുതിയ എപ്പിസോഡില്‍ ഭാസിയുണ്ടാക്കുന്ന പ്രശ്‌നങ്ങളാണ് കാണിക്കുന്നത്. ഇടയ്ക്കിടെയുളള വരവും മുങ്ങല്‍ സ്വഭാവവും ഉളളയാളാണ് ഭാസി. എന്തെങ്കിലും പ്രശ്നങ്ങള്‍ ഉണ്ടാക്കിയ ശേഷമായിരിക്കും പുളളിക്കാരന്‍ പെട്ടെന്ന് സ്ഥലം വിടുക. ഉപ്പും മുളകിന്റെ പുതിയ എപ്പിസോഡില്‍ ഭാസി എത്തുന്നുണ്ട്. പാറമട വീട്ടിലേക്ക് പുതിയ പ്രശ്നങ്ങളുമായിട്ടാണ് ഭാസി എത്തുന്നത്. വീട്ടിലുളള അപ്പൂപ്പന്‍ എപ്പോള്‍ പോവുമെന്നാണ് ഭാസിക്ക് അറയേണ്ടത്.

മൊത്തത്തില്‍ ഒരു പരുങ്ങലും വെപ്രാളവുമൊക്കെയായാണ് ഇത്തവണ പാറമട വീട്ടിലേക്ക് ഭാസി എത്തിയിരുന്നത്. അപ്പൂപ്പനും ഭാസിയും തമ്മില്‍ എന്തോ പ്രശ്നമുണ്ട്. ഭാസിയുണ്ടാക്കുന്ന പ്രശ്നങ്ങളും അതേക്കുറിച്ച് അപ്പൂപ്പന്‍ അനേഷിക്കാന്‍ ശ്രമിക്കുന്നതിനു പിന്നാലെ കാരണവുമൊക്കെയാണ് പുതിയ എപ്പിസോഡില്‍ പറയുന്നത്. ഭാസിയുടെ കളളത്തരം കണ്ടുപിടിക്കാനായി കേശുവും ശിവാനിയും ശ്രമിക്കുന്നുമുണ്ട്. ഉപ്പും മുളകിന്റെതായി പുറത്തുവിട്ട പുതിയ പ്രൊമോയിലാണ് ഭാസിയും അപ്പൂപ്പനും തമ്മിലുളള വഴക്ക് കാണിക്കുന്നത്. രസകരമായ ഒരു എപ്പിസോഡ് തന്നെയായിരിക്കും ഇത്തവണയും എന്ന സൂചന നല്‍കികൊണ്ടാണ് പുതിയ വീഡിയോ പുറത്തുവന്നിരിക്കുന്നത്.

https://www.facebook.com/flowersonair/videos/472530143499886/