ഹിന്ദി, തമിഴ്, മലയാളം തുടങ്ങി വ്യത്യസ്ത ഭാഷകളില്‍ വിജയമായ ടെലിവിഷന്‍ റിയാലിറ്റി ഷോയാണ് ബിഗ് ബോസ്. ജനപ്രിയമായി മുന്നേറിയ ബിഗ്ബോസ് റിയാലിറ്റി ഷോയുടെ മലയാളം പതിപ്പില്‍ മോഹന്‍ലാലായിരുന്നു അവതാരകന്‍. മലയാളം പോലെ തമിഴിലും ബിഗ് ബോസിനെ പ്രേക്ഷകര്‍ ഏറ്റെടുത്തിരുന്നു. സൂപ്പര്‍താരം കമല്‍ഹാസന്‍ ആയിരുന്നു പരിപാടി തമിഴില്‍ അവതരിപ്പിച്ചത്. ആദ്യ രണ്ടു സീസണുകള്‍ക്ക് പിന്നാലെ തമിഴ് ബിഗ് ബോസ് വീണ്ടും എത്തുകയാണ്.
വിജയ് ടിവിയിലായിരുന്നു ബിഗ് ബോസ് തമിഴ് സംപ്രേക്ഷണം ചെയ്തിരുന്നത്. ബിഗ് ബോസ് 3യുടെ പ്രഖ്യാപനം അടുത്തിടെയായിരുന്നു നടന്നത്. റിയാലിറ്റി ഷോയുടെ പ്രൊമോ വീഡിയോ അടുത്തിടെ അണിയറപ്രവര്‍ത്തകര്‍ പുറത്തുവിട്ടിരുന്നു. പരിപാടിയുടെ അവതാരകനായ കമല്‍ഹാസനെ കാണിച്ചുകൊണ്ടുളള ഒരു വീഡിയോ ആയിരുന്നു അണിയറപ്രവര്‍ത്തകര്‍ പുറത്തുവിട്ടിരുന്നത്.
ജൂണ്‍ 23നാണ് ബിഗ് ബോസിന്റെ തമിഴ് പതിപ്പ് ആരംഭിക്കുന്നത്. നിരവധി സെലിബ്രിറ്റികളുടെ പേരുകള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. മല്‍സരാര്‍ത്ഥികളെക്കുറിച്ചുളള വിവരം കൂടുതലായി പുറത്തുവന്നിട്ടില്ല.
Post Your Comments