കുടുംബ പ്രേക്ഷകരുടെ ഇഷ്ട പരമ്പരയാണ് സീത. ഈ ജനപ്രിയ സീരിയലില്‍ കേന്ദ്ര കഥാപാത്രത്തെ അവതരിപ്പിക്കുന്നത് സ്വാസികയാണ്. എന്നാല്‍ ഇപ്പോള്‍ ആരാധകരുടെ സംശയം ഈ പരമ്പരയില്‍ നിന്നും താരം പുറത്താകുമോ എന്നാണു.
സീരിയലിനൊപ്പം സിനിമയിലും ഒരേ സമയം തിളങ്ങുന്ന നടിയാണ് സ്വാസിക. ഷെയിൻ നിഗം നായകനായ ഇഷ്കിലും താരം സുപ്രധാന വേഷം ചെയ്തിട്ടുണ്ട്. ഇതിന് പിന്നാലെ മോഹന്‍ലാല്‍ ചിത്രമായ ഇട്ടിമാണി മേഡ് ഇന്‍ ചൈനയിലും താരം അഭിനയിക്കുന്നുണ്ട്. നവാഗതനായ ജിബിയും ജോജുവും ചേര്‍ന്നു ഒരുക്കുന്ന ചിത്രമാണ് ഇട്ടിമാണി. സിനിമയിൽ നിന്നും നല്ല ഓഫറുകൾ വരുമ്പോൾ താരം സീരിയൽ പൂർണമായും ഒഴിവാക്കുമോയെന്നാണ് ആരാധകര്‍ ചോദിക്കുന്നത്.
ഇന്ദ്രനും സീതയും തമ്മിലുള്ള പ്രണയവും അമ്മയാകുന്ന സന്തോഷവും എല്ലാം പങ്കുവച്ചു മനോഹരമായി മുന്നോട്ടു പോകുന്ന കഥയില്‍ നായികയില്ലാതെ മുന്നോട്ട് പോകുന്നത് സാധ്യമല്ല. സീരിയലും സിനിമയും ഒരുമിച്ച് തന്നെ മുന്നോട്ട് കൊണ്ടുപോകണമെന്നാണ് ഫാൻസ് പറയുന്നത്.
Post Your Comments