മലയാളത്തിന്റെ പ്രിയ നടനും തിരക്കഥാകൃത്തുമാണ് ശ്രീനിവാസന്‍. ഗ്രാമീണത നിറഞ്ഞ നിരവധി കഥാപാത്രങ്ങളെയും ജീവിത മുഹൂര്‍ത്തങ്ങളെയും മലയാളികള്‍ക്ക് സമ്മാനിച്ച ഈ എഴുത്തുകാരന്‍ തന്റെ ഒരു ചിത്രം മോഷണമാണെന്ന് തുറന്നു പറഞ്ഞ് വേദിയെ ഞെട്ടിച്ചു.
ശ്രീനിവാസന്‍ കേന്ദ്രകഥാപാത്രത്തെ അവതരിപ്പിച്ച ചിത്രമാണ് ചിന്താവിഷ്ടയായ ശ്യാമള. ഈ ചിത്രത്തിന് രാമു കാര്യാട്ട് അവാര്‍ഡ് കിട്ടിയിരുന്നു. തൃശ്ശൂരിലെ നിറഞ്ഞ സദസ്സില്‍വെച്ച് അത് സ്വീകരിച്ചുകൊണ്ടുള്ള മറുപടി പ്രസംഗത്തിലാണ് ശ്രീനിവാസന്‍ ഈ കഥ മോഷ്ടിച്ചതാണെന്നു വെളിപ്പെടുത്തിയത്.
‘ഒരു സത്യം ആദ്യമായി ഞാനിവിടെ വെളിപ്പെടുത്തട്ടെ. ഈ ചിത്രത്തിന്റെ കഥ ഞാന്‍ മോഷ്ടിച്ചതാണ്.’ കേട്ടിരുന്നവരൊക്കെ അമ്പരന്നു. നിശ്ശബ്ദതയുടെ ചില നിമിഷങ്ങള്‍ക്കുശേഷം ശ്രീനിവാസന്‍ പൂരിപ്പിച്ചു: ”നിങ്ങളുടെയൊക്കെ ജീവിതത്തില്‍നിന്ന് ഞാന്‍ മോഷ്ടിച്ചതാണ് ശ്യാമളയുടെ കഥ.” സദസ്സുമുഴുവന്‍ പൊട്ടിച്ചിരിച്ചുകൊണ്ട് കൈയടിച്ചുവെന്ന് സംവിധായകന്‍ സത്യന്‍ അന്തിക്കാട് പറഞ്ഞു.
Post Your Comments