തെന്നിന്ത്യന്‍ സംവിധായകന്‍ ഗൗതം മേനോന്‍ ഒരുക്കുന്ന ധനുഷ് ചിത്രം ഉപേക്ഷിച്ചതായി റിപ്പോര്‍ട്ട്. എന്നൈ നോക്കി പായും തോട്ട എന്ന ചിത്രത്തിന്‍റെ പാട്ടുകളും ടീസറും യൂട്യൂബില്‍ നിന്നും നീക്കം ചെയ്തിരിക്കുകയാണ്. അതോടെയാണ് ചിത്രം പാതിവഴിയില്‍ ഉപേക്ഷിച്ചതായി റിപ്പോര്‍ട്ടുകള്‍ പ്രചരിച്ചത്.
സാമ്പത്തിക പ്രതിസന്ധികളാല്‍ സിനിമ നിന്നു പോയെന്നും അതിനാല്‍ മറ്റൊരു പ്രൊഡക്ഷന്‍ കമ്പനിക്ക് സിനിമയുടെ അവകാശം വിറ്റുവെന്നും സ്ഥിരീകരിക്കാത്ത റിപ്പോര്‍ട്ടുകള്‍ പ്രചരിക്കുന്നുണ്ട്. മേഘ്‌ന ആകാശ് ആണ് എന്നൈ നോക്കി പായും തോട്ടയിലെ നായിക. ചിത്രം ഉപേക്ഷിച്ചുവെന്ന വാര്‍ത്തകളോട് സിനിമയുടെ അണിയറ പ്രവര്‍ത്തകര്‍ പ്രതികരിച്ചിട്ടില്ല.
Post Your Comments