മമ്മൂട്ടിയുടെയും മോഹന്‍ലാലിന്റെയും കൂറ്റന്‍ കട്ട് ഔട്ടുകള്‍ കേരള തലസ്ഥാനത്തടക്കം തലയുയര്‍ത്തി നില്‍ക്കുമ്പോള്‍ അപ്രതീക്ഷിതമായി ചില താരങ്ങളുടെ കട്ട് ഔട്ടുകള്‍ തിയേറ്റര്‍ പരിസരത്ത് ഉയരും, പ്രേക്ഷകരെ ഞെട്ടിച്ചു കൊണ്ടാണ് നടന്‍ ബൈജുവിന്റെ ഭീമന്‍ കട്ട് ഔട്ട് തലസ്ഥാനത്ത് ഉയര്‍ന്നത്. മേരനാം ഷാജി റിലീസ് ചെയ്യുന്ന വേളയിലാണ് ബൈജു തിയേറ്റര്‍ പരിസരത്തെ താരമാകുന്നത്, ഫാന്‍സുകാര്‍ തങ്ങളുടെ താരത്തിന്റെ കട്ട് ഔട്ടുകള്‍ ആരാധനയോടെ വയ്ക്കുമ്പോള്‍ തന്റെ കട്ട് ഔട്ട് താന്‍ തന്നെ ഉയര്‍ത്തിയതാണെന്ന് മടിയില്ലാതെ വെളിപ്പെടുത്തുകയാണ് താരം.
ഫേസ്ബുക്ക് ലൈവിലെത്തിയ ബൈജു ചിത്രത്തിന്റെ വിശേഷങ്ങള്‍ പങ്കുവയ്ക്കവേയാണ് തിരുവനന്തപുരത്ത് താന്‍ ഉയര്‍ത്തിയ കട്ട് ഔട്ടിനെക്കുറിച്ച് വെളിപ്പെടുത്തിയത്, തനിക്ക് കട്ട് ഔട്ട് ഉയര്‍ത്താന്‍ എവിടെയാണ് ആരധകരെന്നും താന്‍ സ്വയം ഉയര്‍ത്തിയ ഈ രണ്ടു കട്ട് ഔട്ടിനും കൂടി പതിനയ്യായിരം രൂപ ചെലവായെന്നും ബൈജു സന്തോഷ്‌ പങ്കുവയ്ക്കുന്നു.
നാദിര്‍ഷ സംവിധാനം ചെയ്ത മേരനാം ഷാജി എന്ന ചിത്രം മൂന്ന്‍ ഷാജിമാരുടെ കഥയാണ് പറയുന്നത്, ആസിഫ് അലി, ബിജു മേനോന്‍, ബൈജു എന്നിവരാണ്‌ ചിത്രത്തിലെ ഷാജിമാര്‍. ഒരു പക്കാ കോമഡി എന്റര്‍ടെയ്നറായി പ്രദര്‍ശനത്തിനെത്തുന്ന ചിത്രത്തില്‍ നിഖില വിമല്‍ ആണ് നായിക.. യൂണിവേഴ്സല്‍ സിനിമാസിന്റെ ബാനറില്‍ ബി. രാകേഷ് ആണ് ചിത്രം നിര്‍മ്മിച്ചിരിക്കുന്നത്.
Post Your Comments