പൃഥ്വിരാജ് സംവിധാനം ചെയ്ത ലൂസിഫര്‍ കേരളം ഒന്നടങ്കം ആഘോഷമാക്കുമ്പോള്‍ ചിത്രത്തെക്കുറിച്ച് പൃഥ്വിരാജ് ആദ്യമായി പങ്കുവച്ച കുറിപ്പ് സോഷ്യല്‍ മീഡിയയില്‍ വീണ്ടും വൈറലാകുന്നു, അന്നത്തെ വാക്കുകളിലെ ആത്മവിശ്വാസം അണുവിട ചോരാതെ ലൂസിഫര്‍ ബിഗ് സ്ക്രീനിലെത്തിച്ച് കയ്യടി നേടിയിരിക്കുകയാണ് മലയാളത്തിന്റെ സൂപ്പര്‍ താരം.
ലൂസിഫര്‍ എന്ന ചിത്രത്തെക്കുറിച്ച് പൃഥ്വിരാജ് ആദ്യമായി പങ്കുവച്ച പോസ്റ്റ്….
ഈ പോസ്റ്റ്, ‘ലൂസിഫർ’ എന്ന എന്റെ ആദ്യത്തെ സംവിധാന സംരംഭത്തെ കുറിച്ചാണ്. ആദ്യം തന്നെ ഒരായിരം നന്ദി! ഇതിനോടകം എനിക്ക് ലഭിച്ച സ്നേഹത്തിനും ഇങ്ങനെ ഒരു തീരുമാനത്തിന് നൽകിയ പ്രോഹത്സാഹനത്തിനും. നിങ്ങളുടെ ആവേശം തന്നെ ആണ് ഈ സിനിമയുടെ ഏറ്റവും വലിയ ശക്തി! എന്നാൽ… ‘ലൂസിഫർ’ എന്ന സിനിമയുടെ ഇന്നേ വരെ ഇറങ്ങിയ “ഫസ്റ്റ് ലുക്കുകളും”, “ട്രെയിലറുകളും”, “മോഷൻ പോസ്റ്ററുകളും” ഒന്നും തന്നെ ആ സിനിമയുടെ യഥാർത്ഥ കഥയെയോ കഥാപാത്രത്തെയോ ആസ്പദം ആക്കി ഉള്ളതല്ല. അവ എല്ലാം തികച്ചും അണ്ണോഫിഷ്യൽ ആയ ആരാധക സൃഷ്ടികളാണ്. നിരുത്സാഹപ്പെടുത്തുക അല്ല..അവയിൽ പലതും കലാബോധവും മൂല്യവും ഉള്ളവയാണ്..പക്ഷെ എന്റെ സിനിമയുമായി ഒരു തരത്തിലും ബന്ധമുള്ളതല്ല എന്ന് മാത്രം! ‘ലൂസിഫർ’ ന്റെ പ്രാരംഭ ഘട്ട ചർച്ചകളിൽ ആണ് നമ്മൾ ഇപ്പോൾ. ഇനിയും ഒരുപാട് സഞ്ചരിക്കേണ്ടിയിരിക്കുന്നു ലാലേട്ടൻ എന്ന സൂപ്പർ സ്റ്റാറും മഹാനടനും അരങ്ങു വാഴുന്ന ആ സിനിമയുടെ സാക്ഷാത്കാരത്തിലേക്കു എത്താൻ. ഈ യാത്രയിൽ എന്നോടൊപ്പം നിങ്ങളും ഉണ്ടാവും എന്ന പ്രതീക്ഷയിൽ,
-പ്രിത്വി!
Post Your Comments