നീണ്ട ഇടവേളയ്ക്ക് ശേഷം സംവിധായക കുപ്പായം അണിഞ്ഞു ഫാസില്‍. സിദ്ധിഖിന്റെ രചനയില്‍ മമ്മൂട്ടിയെ നായകനാക്കി പുതിയ ചിത്രം ചെയ്യാന്‍ ഫാസില്‍ തയ്യാറെടുക്കുന്നുവെന്നാണ് പുതിയ റിപ്പോര്‍ട്ട്.
ഫാസില്‍ മമ്മൂട്ടി കൂട്ടുകെട്ടില്‍ പുറത്തിറങ്ങിയ നിരവധി സിനിമകള്‍ ഹിറ്റ് ചാര്‍ട്ടില്‍ ഇടം നേടിയിട്ടുണ്ട്. 2011-ല്‍ പുറത്തിറങ്ങിയ ‘ലിവിംഗ് ടുഗദറാണ്’ ഫാസില്‍ അവസാനമായി ചെയ്ത ചിത്രം. കുടുംബ പ്രേക്ഷകരെ ലക്‌ഷ്യം വച്ച് കൊണ്ടുള്ള ഒരു മികച്ച ഫാമിലി സിനിമയാണ് ഫാസില്‍ സംവിധാനം ചെയ്യാന്‍ തയ്യാറെടുക്കുന്നതെന്നാണ് വിവരം. ചിത്രത്തെക്കുറിച്ചുള്ള കൂടുതല്‍ വിവരങ്ങള്‍ ലഭ്യമായിട്ടില്ല. ‘ലൂസിഫര്‍’, ‘കുഞ്ഞാലി മരയ്ക്കാര്‍’ തുടങ്ങിയ ചിത്രങ്ങളില്‍ അഭിനയിച്ചു കൊണ്ട് അഭിനയ രംഗത്തും സജീവമായിരിക്കുകയാണ് ഫാസില്‍ എന്ന ഹിറ്റ് മേക്കര്‍.
Post Your Comments