ഏറ്റവും പൊക്കം കുറഞ്ഞ നായകനെന്നതിലുപരി തന്റെ ഉയരക്കുറവ് എന്ന പരിമിതികള്‍ മറികടന്നു പൊക്കമുള്ള നായകന് ചെയ്യാന്‍ കഴിയുന്നതെന്തും സമാനമായ രീതിയില്‍ സ്ക്രീനില്‍ അവതരിപ്പിച്ചു കയ്യടി നേടിയതിനുള്ള അംഗീകാരത്തിനാണ് അജയകുമാര്‍ എന്ന പക്രു ഗിന്നസ് പക്രുവായി ഗിന്നസില്‍ ഇടം നേടുന്നത്. ഏറ്റവും പൊക്കം കുറഞ്ഞ സംവിധായകനെന്ന നിലയില്‍ വീണ്ടും ഗിന്നസ് ബുക്കിന്റെ ഭാഗമാകാന്‍ തയ്യാറെടുക്കുകയാണ് താരം.
ഒരു പച്ചയായ മനുഷ്യന്‍ എന്ന നിലയില്‍ സൂപ്പര്‍ താരം വിജയിക്ക് ഗിന്നസ് ബുക്കില്‍ ഇടം നല്‍കാം എന്ന അഭിപ്രായം പങ്കുവച്ചിരിക്കുകയാണ് ഗിന്നസ് പക്രു, അത്രയ്ക്ക് സ്നേഹമുള്ള മനുഷ്യനാണ് വിജയ്. ഫോണില്‍ വിളിച്ച് കിട്ടാതെ വന്നാല്‍ അദ്ദേഹം തിരിച്ച് വിളിക്കാറുണ്ടെന്നും ഗിന്നസ് പക്രു പറയുന്നു. ഒരു സ്വകാര്യ എഫ്എം ചാനലിനു നല്‍കിയ അഭിമുഖത്തിലായിരുന്നു വിജയിടെ ലാളിത്യത്തെത്തെക്കുറിച്ച് ഗിന്നസ് പക്രു പങ്കുവച്ചത്. ബോഡിഗാര്‍ഡ് എന്ന സിനിമയുടെ തമിഴ് പതിപ്പില്‍ വിജയിക്കൊപ്പം ഗിന്നസ് പക്രു അഭിനയിച്ചിരുന്നു.
Post Your Comments