സല്‍മാന്‍ഖാന്‍ അവതാരകനായി എത്തുന്ന ബിഗ് ബോസ് പന്ത്രണ്ടാം സീസന്‍ അവസാനിക്കാന്‍ ഒരു നാള്‍ കൂടി. വിജയി ആരെന്നു അറിയാന്‍ മലയാളികളും ആവേശത്തിലാണ്. കാരണം മലയാളികളുടെ പ്രിയതാരം ശ്രീശാന്ത് ബിഗ് ബോസിലെ മത്സരാര്‍ത്ഥികളില്‍ ഒരാളാണ്.
ഷോയുടെ തുടക്കം മുതല്‍ വിവാദത്തിലായ താരമാണ് ശ്രീ ശാന്ത്. എന്നാല്‍ ഷോയില്‍ ഏറ്റവും കൂടുതല്‍ പിന്തുണയുള്ള താരവും ശ്രീശാന്ത് തന്നെയാണ്. ബിഗ്ബോസ് ജേതാവ് ശ്രീശാന്താകണമെന്നാണ് ആരാധകരുടെ ആഗ്രഹം. മത്സരാര്‍ത്ഥികളുടെ കൂട്ടത്തില്‍ആദ്യം ഫൈനലിസ്റ്റായ താരം ശ്രീശാന്തായിരുന്നു ബിഗ് ബോസില്‍ നിന്നും പുറത്ത് പോയവര്‍, മുന്‍ വര്‍ഷത്തെ മത്സരാര്‍ത്ഥികള്‍, ബോളിവുഡ് താരങ്ങള്‍, തുടങ്ങിയവരുള്‍പ്പെടെയുള്ളവരുടെ വലിയ പിന്തുണയാണ് ശ്രീശാന്തിന് ലഭിച്ച്‌ കൊണ്ടിരിക്കുന്നത്.
നിലവില്‍ ജേതാവാകാന്‍ ഏറ്റവും അധികം സാധ്യത ശ്രീയ്ക്കാണ്. ശ്രീശാന്തിന് പുറമെ ദീപിക കാകര്‍, കരണ്‍വീര്‍ ബോഹ്റ, ദീപക് താക്കൂര്‍, റോമില്‍ ചൗധരി,എന്നിവരാണ് ബിഗ് ബോസ് 12 ല്‍ ഫൈനലിസ്റ്റുകളായെത്തിയിരിക്കുന്നത്.
Post Your Comments