കാതല്‍ എന്ന ചിത്രത്തിലൂടെ തെന്നിന്ത്യന്‍ സിനിമാലോകത്ത് ശ്രദ്ധിക്കപ്പെട്ട താരമാണ് നടി സന്ധ്യ. എന്നാല്‍ ചിമ്പു മുഖ്യവേഷത്തില്‍ എത്തിയ വല്ലവന്‍ എന്ന ചിത്രത്തില്‍ താന്‍ വഞ്ചിക്കപ്പെട്ടുവെന്നു സന്ധ്യയുടെ വെളിപ്പെടുത്തല്‍. ആ ചിത്രത്തെക്കുറിച്ച് ഓര്‍ക്കുമ്പോള്‍ ഇപ്പോള്‍ നിരാശ മാത്രമാണെന്ന് താരം ഒരു തമിഴ് മാധ്യമത്തിന് നല്‍കിയ അഭിമുഖത്തില്‍ തുറന്നു പറയുന്നു.
2006ല്‍ പുറത്തിറങ്ങിയ വല്ലവനില്‍ സന്ധ്യയ്ക്കൊപ്പം നയന്‍താര, റീമാ സെന്‍ എന്നിവരും എത്തിയിരുന്നു. ചിമ്പുവിനൊപ്പം നയന്‍താരയുടെ ഗ്ലാമര്‍ പ്രദര്‍ശനം ഏറെ ചര്‍ച്ചയാകുകയും ചെയ്തിരുന്നു. എന്നാല്‍ ഈ ചിത്രം തന്നോട് കഥ പറഞ്ഞ രീതിയില്‍ അല്ല എടുത്തതെന്ന് താരം പറയുന്നു. ”എന്നോട് പറഞ്ഞ കഥയും പുറത്തിറങ്ങിയ സിനിമയും തമ്മില്‍ ഒരുപാടു വ്യത്യാസമുണ്ടായിരുന്നു. ഒരു സൗഹൃദത്തിന്റെ കഥയായാണ് എനിക്കു മുന്നില്‍ അവതരിപ്പിച്ചത്. അതു പറഞ്ഞാല്‍ ഒരു പക്ഷേ ഇതല്ലല്ലോ വല്ലവന്‍ എന്ന സിനിമ എന്നു വരെ നിങ്ങള്‍ക്കു തോന്നിയേക്കാം. സിനിമ റിലീസായപ്പോഴേക്കും എന്റെ റോളാകെ മാറിപ്പോയിരുന്നു. വല്ലവനെക്കുറിച്ചോര്‍ക്കുമ്ബോള്‍ ഇപ്പോഴും നിരാശയാണ് മനസില്‍.” സന്ധ്യ പറയുന്നു.
Post Your Comments