വിവാദങ്ങള്‍ക്കിടയില്‍ ആദ്യദിന കലക്ഷന്‍ പുറത്തുവിട്ട് ‘ഒടിയന്‍’

ബിജെപി സംസ്ഥാന ഹര്‍ത്താല്‍ ദിനത്തില്‍ റിലീസ് ചെയ്ത മോഹന്‍ലാല്‍ ചിത്രം ഒടിയന്‍ സമ്മിശ്രപ്രതികരണങ്ങള്‍ നേരിടുമ്പോള്‍ ചിത്രത്തിന്‍റെ ആദ്യദിന കളക്ഷന്‍ പുറത്തുവിട്ട് അണിയറ പ്രവര്‍ത്തകര്‍. ഇന്ത്യയില്‍ നിന്ന് 16.48 കോടി രൂപ ചിത്രം ആദ്യദിനം സ്വന്തമാക്കിയെന്ന് ചിത്രത്തിന്‍റെ ഫെയ്സ്ബുക്ക് പേജില്‍ അണിയറ പ്രവര്‍ത്തകര്‍ അവകാശപ്പെട്ടു.

യു.എ.ഇയിലടക്കം 37 വിദേശ രാജ്യങ്ങളിൽ പ്രദർശനത്തിനെത്തിയ ചിത്രം 684 പ്രദര്‍ശനങ്ങളാണ് ആദ്യദിനം നടത്തിയത്. ലോകമൊട്ടാകെ ഒടിയൻ ആദ്യദിനം നേടിയത് 32.14 കോടി രൂപയാണെന്നും പറയുന്നു.

4.78 കോടിയാണ് ജിസിസി കലക്‌ഷൻ. ജിസിസി ഒഴികെയുളള മറ്റുവിദേശ രാജ്യങ്ങളിൽ നിന്നും 11.98 കോടി. വിദേശരാജ്യങ്ങളില്‍ നിന്നും റിലീസ് ചെയ്ത ദിവസം തന്നെ ഇത്രയും തുക കലക‌്‌ഷന്‍ നേടുന്ന ആദ്യ സൗത്ത് ഇന്ത്യന്‍ സിനിമ എന്ന റെക്കോര്‍ഡും ‘ഒടിയന്‍’ സ്വന്തമാക്കിയിട്ടുണ്ട്.