തിരുവനന്തപുരത്തും കോഴിക്കോട്ടും ഒടിയൻ ഷോകള്‍ റദ്ദാക്കി

ബിജെപിയുടെ അപ്രതീക്ഷിത ഹര്‍ത്താലില്‍ ഒടിയനും വലഞ്ഞു. രാബിലെ നാല് മണിയ്ക്ക് മോഹന്‍ലാല്‍ ഫാന്‍സിനായുള്ള ആദ്യ ഷോ നടന്നു വെങ്കിലും കോഴിക്കോട്ടും തിരുവനന്തപുരത്തും ഏതാനും തീയേറ്ററുകളിലെ പകൽ ഷോകള്‍ നിര്‍ത്തിവെച്ചു.

തുടർന്ന് നടക്കേണ്ടിയിരുന്ന മൂന്ന് ഷോകളാണ് റദ്ദാക്കിയിരിക്കുന്നത്. രാവിലെ 9.55, ഉച്ചയ്ക്ക് 1 മണി, വൈകീട്ട് 4.10 എന്നീ ഷോകളാണ് നിര്‍ത്തിവെച്ചത്. മോഹന്‍ലാല്‍ ആരാധകര്‍ ഇതില്‍ ആകെ നിരാശയിലാണ്. ഷോ നിർത്തിവെച്ചതിനെത്തുടർന്ന് തിരുവനന്തപുരം എസ് എല്‍ തീയേറ്ററില്‍ സിനിമ കാണാനെത്തിയവര്‍ പ്രതിഷേധിച്ചു. പ്രദര്‍ശനം ആറു മണിക്കു ശേഷമേ ഉള്ളൂവെന്ന അറിയിപ്പിനെ തുടര്‍ന്നാണ് പ്രതിഷേധമുണ്ടായത്..