പലപ്പോഴുംവിവാദങ്ങളില്‍ നിറയാറുള്ള താരമാണ് തെലുങ്ക് സൂപ്പര്‍സ്റ്റാര്‍ നാഗേന്ദ്ര ബാബു. തെലുങ്ക് സൂപ്പര്‍താരമായ നന്ദമുറി ബാലകൃഷ്ണയെ അറിയില്ലെന്ന് പറഞ്ഞതിലൂടെ വിവാദത്തില്‍ ആയിരിക്കുകയാണ് നാഗബാബു.
ആന്ധ്രപ്രദേശ് മുന്‍മുഖ്യമന്ത്രിയും തെലുഗു സിനിമാ താരവുമായിരുന്ന എന്‍ ടി ആറിന്റെ മകന്റെ മകനായ ജൂനിയര്‍ എന്‍ ടി ആറിനൊപ്പം ശക്തമായ കഥാപാത്രവുമായി അരവിന്ദ സമേത എന്ന ചിത്രത്തില്‍ നാഗബാബു എത്തിയിരുന്നു. എന്നാല്‍ ഒരു ചാനല്‍ അഭിമുഖത്തില്‍തെലുങ്കു സൂപ്പര്‍ സ്റ്റാര്‍ എന്‍ ടി ആറിന്റെ മകനായിട്ടു പോലും ബാലകൃഷ്ണയെ അറിയില്ലെന്ന് പറഞ്ഞതിനെതിരെ ആരാധകര്‍ രംഗത്ത്. അശ്ലീലമായ കമന്റുകളുമായി ആരാധകര്‍ എത്തിയതോടെ താന്‍ നടത്തിയ പരാമര്‍ശത്തില്‍ മാപ്പു ചോദിച്ചു നാഗ ബാബു ഒരു വീഡിയോയുമായി രംഗത്തെത്തിയിരുന്നു. എന്നാല്‍ അതിലും വലിയ അബദ്ധമാണ് പറ്റിയിരിക്കുന്നത്.
ബാലകൃഷ്ണ ഗാരുവിനെ അറിയില്ലെന്നു താന്‍ നേരത്തെ പറഞ്ഞത് തെറ്റായിപ്പോയിയെന്നു തുറന്നു പറഞ്ഞുകൊണ്ട് രംഗത്ത് എത്തിയ താരം ”ആര്‍ക്കാണ് അദ്ദേഹത്തെ അറിയാത്തത്?. അദ്ദേഹം വലിയൊരു ഹാസ്യതാരമായിരുന്നല്ലോ. എന്‍ ടി രാമ റാവു ഗാരുവിനൊപ്പം അദ്ദേഹം അഭിനയിച്ചിട്ടുമുണ്ട്. അദ്ദേഹം മറ്റാരുമല്ല, വല്ലൂരി ബാലകൃഷ്ണ ഗാരുവാണ്. അദ്ദേഹം മറ്റാരുമല്ല, വല്ലൂരി ബാലകൃഷ്ണ ഗാരുവാണ്.” വീഡിയോയില്‍ തെലുങ്കു ഹാസ്യ താരം വല്ലൂരി ബാലകൃഷ്ണയെ ചൂണ്ടിക്കാട്ടി നാഗബാബു പറഞ്ഞത് വീണ്ടും വിമര്‍ശനത്തിനു ഇടയാക്കിയിരിക്കുകയാണ്.
Post Your Comments