ശബരിമലയിലെ യുവതീ പ്രവേശനം പ്രതിഷേധം ശക്തമാകുകയാണ്. ഈ അവസരത്തില്‍ യുവതീ പ്രവേശനം സാധ്യമാവുമെന്ന് നടി ഷീല. എത്ര എതിര്‍പ്പുകളുണ്ടെങ്കിലും മാറുമറയ്ക്കാന്‍ അവകാശം ലഭിച്ചത് പോലെ ശബരിമലയില്‍ സ്ത്രീപ്രവേശനത്തിനും കാലം വഴിമാറുമെന്ന് ഷീല ഒരു സ്വകാര്യ ചാനലിനു നല്‍കിയ അഭിമുഖത്തില്‍ തുറന്നു പറയുന്നു.
”ഏതൊരു കാര്യവും വലിയൊരു സമരമില്ലാതെ നടന്നിട്ടില്ല. അത് നല്ലതാണോ ചീത്തയാണോ എന്നൊന്നും ഞാന്‍ പറയുന്നില്ല. ആദ്യ കാലങ്ങളില്‍ മാറുമറക്കാന്‍ പറ്റാത്ത സ്ഥിതിയായിരുന്നു കേരളത്തില്‍. എത്ര സമരം ചെയ്തു, എന്തെല്ലാം പ്രശ്നമുണ്ടാക്കിയാണ് ഒരു ബ്ലൗസിടാന്‍ അവര്‍ സമ്മതിച്ചത്. അതുകൊണ്ട് ഈ സമരങ്ങളെല്ലാം വന്ന് വന്നാണ് എതിര്‍പ്പുകളില്ലാതായത്. ചാടിക്കയറി ശബരിമലയില്‍ ഇപ്പോള്‍ തന്നെ പോകണം എന്ന് പറഞ്ഞ് ഉത്തരേന്ത്യയില്‍ നിന്നടക്കം യുവതികള്‍ വന്നത് വാര്‍ത്തകളില്‍ ഇടം നേടാനും പ്രശസ്തിക്കും വേണ്ടിയുമാണ്. കാലം പിന്നിടുമ്പോള്‍ പതിയെ സ്ത്രീ പ്രവേശനവും സംഭവിക്കും” ഷീല വ്യക്തമാക്കി
Post Your Comments