മോഹൻലാൽ – പ്രിയദർശൻ കൂട്ടുകെട്ടിൽ ഒപ്പം എന്ന സൂപ്പർഹിറ്റ് ചിത്രത്തിന് ശേഷം ഒരുങ്ങുന്ന മരയ്ക്കാർ എന്ന ചിത്രത്തിന്റെ ഷൂട്ടിംഗ് ഇന്ന് ആരംഭിച്ചു. കുഞ്ഞാലി മരയ്ക്കാരുടെ കഥ പറയുന്ന ചിത്രത്തിൽ വമ്പൻ താരനിര തന്നെ ഉണ്ട്. ആന്റണി പെരുമ്പാവൂർ ആണ് ചിത്രം നിർമ്മിക്കുന്നത്. മോഹൻലാൽ ആണ് കുഞ്ഞാലി മരയ്ക്കരുടെ വേഷത്തിൽ എത്തുന്നത്.
മോഹൻലാൽ, പ്രണവ് മോഹൻലാൽ, കീർത്തി സുരേഷ്, കല്യാണി പ്രിയദർശൻ എന്നിവർ ചിത്രത്തിൽ പ്രധാന വേഷത്തിൽ എത്തുന്നു. ചിത്രത്തിന്റെ പൂജ ഇന്ന് നടന്നു. നേരത്തെ സാബു സിറിൽ നിർമ്മിക്കുന്ന കപ്പലിന്റെ ചിത്രങ്ങൾ പുറത്തു വന്നിരുന്നു. മലയാളത്തിൽ നിർമിക്കപ്പെടുന്ന ബിഗ് ബജറ്റ് ചിത്രങ്ങളിൽ മുന്നിൽ നിൽക്കുന്ന ചിത്രം മരയ്ക്കാർ. കുഞ്ഞാലി മരയ്ക്കാറിന്‍റെ ചെറുപ്പകാലമാകും പ്രണവ് അവതരിപ്പിക്കുക. ചിത്രത്തിന്റെ ആദ്യപകുതിയിലാണ് പ്രണവിന്‍റെ രംഗങ്ങള്‍.
Post Your Comments