മമ്മൂട്ടിയുടെ എക്കാലത്തെയും ഹിറ്റ് ചിത്രങ്ങളില്‍ ഒന്നാണ് മായാവി. സ്നേഹിക്കുന്നവര്‍ക്ക് വേണ്ടി എന്തും ചെയ്യുന്ന മായവിയായി മമ്മൂട്ടി എത്തിയ ചിത്രത്തില്‍ സലിം കുമാര്‍, ഗോപിക, സുരാജ് വെഞ്ഞാറമൂട്, കെപിഎസി ലളിത, വിജയരാഘവന്‍, സായികുമാര്‍ തുടങ്ങിയ താര നിര അണിനിരന്നിരുന്നു. ചിത്രത്തിന് രണ്ടാം ഭാഗം വരുന്നുവെന്ന് മുന്പ് റിപ്പോര്‍ട്ടുകള്‍ ഉണ്ടായിരുന്നു.
മായാവിയ്ക്ക് തിരക്കഥ ഒരുക്കിയ റാഫിയുമായി നീണ്ട ഇടവേളയ്ക്ക് ശേഷം മമ്മൂട്ടി ഒന്നിക്കുന്നു. ഇപ്പോള്‍ വീണ്ടും മമ്മൂട്ടിയെ നായകനാക്കി ചിത്രമൊരുക്കാന്‍ ആലോചിക്കുന്നതായി റിപ്പോര്‍ട്ട്. ഗാലക്‌സി ഫിലിംസിന്റെ ബാനറില്‍ മിലന്‍ ജലീല്‍ ആയിരിക്കും ഈ സിനിമ നിര്‍മ്മിക്കുക. എന്നാല്‍ ചിത്രം ഔദ്യോഗികമായി പ്രഖ്യാപിച്ചിട്ടില്ല.
പോക്കിരിരാജയുടെ രണ്ടാംഭാഗമായ മധുരരാജ, ഉണ്ട, ബിഗ്ബജറ്റ് ചരിത്ര സിനിമ മാമാങ്കം, രമേഷ് പിഷാരടി ഒരുക്കുന്ന ഗാനഗന്ധര്‍വ്വന്‍, ബിലാല്‍, യാത്ര എന്നീ ചിത്രങ്ങള്‍ അണിയറയില്‍ മമ്മൂട്ടിയുടെതായി ഒരുങ്ങുകയാണ്.
Post Your Comments