ഫാ​സ്റ്റ് ന​മ്പര്‍ പാ​ടാ​നും നൃ​ത്തം​ചെ​യ്യാ​നും നിര്‍ബന്ധിച്ചു; ഉന്നത പൊലീസുകാര്‍ പങ്കെടുത്ത പരിപാടിയില്‍ നേരിട്ടത് ദുരനുഭവം; യുവ​ഗായികയുടെ തുറന്നു പറച്ചില്‍

വേദിയില്‍ ​ഗാനം ആലപിക്കുന്നതിനിടയില്‍ പൊലീസുകാര്‍ക്കിടയിലേക്ക് മാറിനില്‍ക്കാന്‍ തന്നോട് ആവശ്യപ്പെട്ടുവെന്ന് യുവയായികയുടെ വെളിപ്പെടുത്തല്‍. റി​യാ​ലി​റ്റി ഷോ ​മ​ത്സ​രാ​ര്‍​ഥി​യും യുവ​ഗായികയുമായ മേഘ്‌ല ദാസ്​ഗുപ്തയാണ് സ്റ്റേജ് പരിപാടിക്കിടെ നേരിടേണ്ടിവന്നമോശം അനുഭവത്തെക്കുറിച്ച്‌ തുറന്ന് പറഞ്ഞ് രം​ഗത്തെത്തിയിരിക്കുന്നത്. വെ​സ്റ്റ് മി​ഡ്നാ​പു​രി​ലെ ഡാ​ന്‍റോ​ണ്‍ പൊ​ലീ​സ് സ്റ്റേ​ഷ​ന്‍ സംഘടിപ്പിച്ച പരിപാടിയില്‍ പാടിക്കൊണ്ടിരിക്കുമ്പോഴായിരുന്നു സംഭവമെന്നും സമൂഹ മാധ്യമങ്ങളില്‍ പങ്കുവച്ച വീഡിയോയിലൂടെ താരം പറയുന്നു.

പാട്ട് പാടുന്നതിനു ഇടയില്‍ പൊലീസുകാര്‍ക്കിടയിലേക്ക് മാറിനില്‍ക്കാന്‍ തന്നോട് ആവശ്യപ്പെട്ടെന്നും ഈ സമയം തികച്ചും മോശമായ അനുഭവമാണ് തനിക്കുണ്ടായതെന്നും പറഞ്ഞ മേഘ്ല ഫാ​സ്റ്റ് ന​മ്ബ​ര്‍ പാ​ടാ​നും നൃ​ത്തം​ ചെ​യ്യാ​നും പൊലീസുകാര്‍ തന്നോട് ആവശ്യപ്പെട്ടെന്നും അ​വി​ടെ​നി​ന്നും ജീ​വ​നോ​ടെ ര​ക്ഷ​പെ​ടു​മെ​ന്ന് വി​ചാ​രി​ച്ചി​രു​ന്നി​ല്ലെ​ന്നും കൂട്ടിച്ചേര്‍ത്തു. ഉന്നത പൊലീസ് ഉദ്യോ​ഗസ്ഥരടക്കം പങ്കെടുത്ത പരിപാടിക്കിടെയാണ് തനിക്ക് ഇത്തരത്തിലൊരു അനുഭവമുണ്ടായതെന്നും മേഘ്ല പറയുന്നു