നാല് പുതുമുഖ നായികമാര്‍ക്കൊപ്പം ഒരു നിത്യഹരിത നായകന്‍

വിഷ്ണു ഉണ്ണികൃഷ്ണനെ നായകനാക്കി നവാഗതനായ എ ആർ ബിനുരാജ് സംവിധാനം ചെയ്യുന്ന ഏറ്റവും പുതിയ ചിത്രമാണ് നിത്യഹരിത നായകൻ. ഒരുപാട് നല്ല മുഹൂർത്തങ്ങൾ ഉള്ള നല്ലൊരു പ്രണയചിത്രം ആയിരിക്കും ഇതെന്ന് സൂചിപ്പിക്കുന്നതാന് പാട്ടുകളും പുറത്തു വന്ന ടീസറും. ധർമജൻ ആദ്യമായി നിർമ്മിക്കുന്ന ചിത്രം കൂടിയാണിത്. വിഷ്ണുവും ധർമജനും ഒന്നിക്കുന്ന മൂന്നാമത്തെ ചിത്രമാണ് നിത്യഹരിത നായകൻ. ചിത്രത്തിലെ നായികമാർ എല്ലാം പുതുമുഖങ്ങൾ ആണ്. നാല് നായികമാർ ആണ് ചിത്രത്തിൽ ഉള്ളത്.

 

മുൻപ് നിവിൻ പോളി നായകനായ പ്രേമത്തിൽ 3 നായികമാർ ഉണ്ടായിരുന്നു. ഇപ്പോൾ അതിനെ തകർത്തു കൊണ്ടാണ് നിത്യഹരിത നായകൻ എത്തുന്നത്. ചിത്രത്തിൽ വിഷ്ണുവിന്റെ കഥാപാത്രത്തിന് നാല് നായികമാർ ഉണ്ട്. നായികമാരെല്ലാം പുതുമുഖങ്ങളും ആണ്. പ്രേമത്തിലെ നായികമാരെ പ്രേക്ഷകർ സ്വീകരിച്ചത് പോലെ ഇവരെയും സ്വീകരിക്കും എന്നാണ് അണിയറപ്രവർത്തകർ വിശ്വസിക്കുന്നത്. ജയശ്രീ ശിവദാസ്, ശിവകാമി, രവീണ രവി, അഖില നാഥ് തുടങ്ങിയവരാണ് ആ നായികമാര്‍.

പുറത്തു വന്ന ഗാനവും ടീസറും സൂചിപ്പിക്കുന്നത് വിഷ്ണുവിന്റെ ജീവിതത്തിലെ പല ഘട്ടത്തിലൂടെ ആണ് ചിത്രം സഞ്ചരിക്കുന്നതെന്നാണ്. ഒരു ഘട്ടത്തിലും അയാളുടെ ജീവിതത്തിലേക്ക് വരുന്ന സ്ത്രീകൾ ആയി ആണ് ഇവർ വേഷം ഇടുന്നത്.

ആദിത്യ ക്രിയേഷന്‍സിന്റെ ബാനറിലാണ് ചിത്രം പുറത്തിറങ്ങുന്നത്. സൗബിന്‍ ഷാഹിര്‍ ആയിരുന്നു ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തു വിട്ടത്.നിത്യഹരിത നായകന്‍ ഒരു ക്ലീന്‍ ഫാമിലി എന്റര്‍ടൈനര്‍ ആണെന്നാണ് അണിയറ സംസാരം.

ധർമജനൊപ്പം മനു തച്ചേട്ടും നിർമാണ പങ്കാളിയാണ്. പവി കെ പ്രവൻ ആണ് ചിത്രത്തിന് വേണ്ടി ക്യാമറ ചലിപ്പിക്കുന്നത്. നൗഫൽ അബ്ദുല്ല എഡിറ്റിംഗ് നിർവഹിക്കുന്നു. കലാസംവിധാനം അർക്കൻ എസ് കർമ്മ, വസ്ത്രാലങ്കാരം അരുൺ മനോഹർ, മേക്കപ്പ് ഹസ്സൻ വണ്ടൂർ, സ്റ്റിൽസ് സലീഷ് പെരിങ്ങോട്ടുകര, പിആർഒ വാഴൂർ ജോസ്.

ജയഗോപാല്‍ ആണ് ചിത്രത്തിന് വേണ്ടി തിരക്കഥ ഒരുക്കുന്നത്. ഇന്ദ്രൻസ്, മഞ്ജു പിള്ള, ബേസിൽ ജോസഫ്, രവീണ രവി, ശിവകാമി, ജാഫർ ഇടുക്കി, ബിജുക്കുട്ടൻ, ശ്രുതി, ജയകുമാർ, അഞ്ചു അരവിന്ദ്, മാസ്റ്റർ ആരോൺ, ഗായത്രി, സജു നവോദയ, സുനിൽ സുഗത എന്നിവരും പ്രധാന വേഷങ്ങളിൽ എത്തുന്നു.