തെന്നിന്ത്യന്‍ സിനിമയിലെ മസില്‍ താരം ഉണ്ണി മുകുന്ദന് ആരാധകര്‍ ഏറെയാണ്‌. പെണ്‍കുട്ടികളാണ് അവരില്‍ ഏറെയാണ്‌. കഴിഞ്ഞ കഴിഞ്ഞ ദിവസം ഒരു കോളജിൽ എത്തിയ ഉണ്ണി മുകുന്ദന് നടത്തിയ മാസ് പ്രകടനമാണ് സോഷ്യല്‍ മീഡിയയിലെ ഇപ്പോഴത്തെ ചര്‍ച്ച.
പാലക്കാട് എൻഎസ്എസ് കോളജിൽ ഒരു ചടങ്ങിൽ പങ്കെടുക്കാന്‍ താരം എത്തിയിരുന്നു. ആരവം മുഴക്കി ആവേശത്തോടെയാണ് ഉണ്ണിയെ വിദ്യാര്‍ഥികള്‍ വരവേറ്റത്. വിദ്യാർഥികളുടെ അടുത്തേക്ക് താരം നടന്നടുത്തതോടെ സുരക്ഷയ്ക്കായി സ്ഥാപിച്ചിരുന്ന ബാരിക്കേഡ് ഭാരം താങ്ങനാവാതെ താഴേക്ക് നിലം പതിക്കാനൊരുങ്ങി. എന്നാൽ ഇതു കണ്ട ഉണ്ണി സിനിമാ സ്റ്റൈലില്‍ ആ ബാരിക്കേഡ് താങ്ങി നിർത്തി. പിന്നീട് അദ്ദേഹവും ഒപ്പം കൂടിയ മറ്റു ചിലരും കൂടി ബാരിക്കേഡ് തള്ളി ഉയർത്തി പൂർവസ്ഥിതിയിലാക്കുകയും ചെയ്ത വീഡിയോ സോഷ്യല്‍ മീഡിയയില്‍ ഇപ്പോള്‍ വൈറലാണ്.
‘എനിക്ക് നിങ്ങളുടെ പിന്തുണയുണ്ട്. നിങ്ങൾ ഞാനുള്ളപ്പോൾ നിങ്ങൾ വീഴാൻ ഒരിക്കലും അനുവദിക്കില്ല’ എന്ന് ഉണ്ണി ഇന്‍സ്റ്റഗ്രാമില്‍ വീഡിയോ പങ്കുവച്ചുകൊണ്ട് കുറിച്ചു.
Post Your Comments