മലയാളം ബിഗ് ബോസ് അവസാനിച്ചുവെങ്കിലും മലയാളികളുടെ ബിഗ് ബോസ് ചര്‍ച്ച തീര്‍ന്നിട്ടില്ല. സല്‍മാന്‍ ഖാന്‍ അവതാരകനായി എത്തുന്ന ബിഗ് ബോസ് ഹിന്ദിയുടെ പന്ത്രണ്ടാം പതിപ്പിനും ആരാധകര്‍ ഏറെയാണ്‌. ഈ ഷോയിലെ ഏക മലയാളി താരമാണ് ശ്രീശാന്ത്. എപ്പോഴും വിവാദങ്ങളില്‍ നിറയുന്ന ശ്രീ ബിഗ് ബോസ് ആദ്യ ദിവസം മുതല്‍ തന്നെ വിവാദത്തിലാണ്. എന്നാല്‍ ഇപ്പോള്‍ ബിഗ് ബോസില്‍ ശ്രീ പറഞ്ഞ നുണയാണ് ചര്‍ച്ച.
മറ്റൊരു മത്സരാര്‍ത്ഥിയായ സുര്‍ബിയെ കുറിച്ച്‌ ശ്രീ പറഞ്ഞതായിരുന്നു കഴിഞ്ഞ ദിവസങ്ങളിലെ പ്രധാന പ്രശ്‌നം. സുര്‍ബി റാണ ബിഗ് ബോസ് ഹൗസിനുള്ളില്‍ നിന്നും സിഗരറ്റ് വലിച്ചെന്ന് ശ്രീശാന്ത് മറ്റ് മത്സരാര്‍ത്ഥികളോട് പറഞ്ഞിരുന്നു. തന്നെ കുറിച്ച്‌ ശ്രീശാന്ത് മറ്റുള്ളവരോട് പറഞ്ഞ കാര്യം സുര്‍ബിയുടെ ചെവിയിലുമെത്തി. ഇതോടെ പലരും വിമര്‍ശനവുമായി എത്തിയതോടെ നിയന്ത്രണം വിട്ട സുര്‍ബി സ്വയം മുറിവേല്‍പ്പിക്കുകയും രക്തം വരികയും ചെയ്തിരുന്നു. സുര്‍ബിയുടെ പ്രവര്‍ത്തി കണ്ട് എല്ലാവരും ഞെട്ടി. എന്നാല്‍ ശ്രീശാന്ത് പറഞ്ഞ കാര്യങ്ങളില്‍ ഒരു കഴമ്പുമില്ലെന്ന് അവതാരകന്‍ സല്‍മാന്‍ ഖാന്‍ കണ്ടെത്തിയിരിക്കുകയാണ്.
ശ്രീശാന്തിനെ വിമര്‍ശിച്ച്‌ കൊണ്ടുള്ള മറുപടിയായിരുന്നു സല്‍മാന്‍ ഖാന്‍ നല്‍കിയത്. സുര്‍ബി പറഞ്ഞ കാര്യങ്ങളായിരുന്നു സത്യം. അവള്‍ ഹൗസിനുള്ളില്‍ നിന്നും സിഗരറ്റ് വലിച്ചിട്ടില്ലെന്നും താന്‍ അവള്‍ക്കൊപ്പം നില്‍ക്കുന്നതായിട്ടും സല്‍മാന്‍ വ്യക്തമാക്കി. ശ്രീശാന്തിന്റെ വാക്ക് കേട്ട് സുര്‍ബിയെ കുറ്റം പറഞ്ഞ മറ്റ് മത്സരാര്‍ത്ഥികള്‍ക്ക് ഇത് ശരിക്കുമൊരു ഷോക്ക് ആയി.
Post Your Comments