മലയാളത്തിന്റെ യുവ താര നിരയില്‍ ശ്രദ്ധേയരായ രണ്ടു താരങ്ങളാണ് ഇന്ദ്രജിത്തും പൃഥ്വിരാജും. തിരക്കുള്ള താരമായി കൈനിറയെ സിനിമയുമായി മുന്നേറുന്ന പൃഥ്വി ഇപ്പോള്‍ സംവിധായകനായി അരങ്ങേറുകയാണ്. മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന സിനിമയാണ് ലൂസിഫര്‍. ഈ ചിത്രത്തില്‍ ഇന്ദ്രജിത്തും ഒരു പ്രധാന കഥാപാത്രത്തെ അവതരിപ്പിക്കുന്നു. ചേട്ടനായതു കൊണ്ടല്ല ഇന്ദ്രജിത്തിനെ സിനിമയില്‍ അഭിനയിപ്പിക്കുന്നത് എന്ന് പൃഥ്വിരാജ് പറയുന്നു.
ചേട്ടനായതു കൊണ്ടല്ല ഇന്ദ്രജിത്തിന് അഭിനയിപ്പിക്കുന്നത്. അദ്ദേഹത്തിന്റെ കഥാപാത്രത്തിന് പകരക്കാനായി വേറൊരാളില്ല. തിരക്കഥ വായിക്കുമ്പോള്‍ തന്നെ ആ കഥാപാത്രമായി മനസ്സില്‍ വന്നത് ഇന്ദ്രജിത്താണ്. സിനിമ കാണുമ്പോള്‍ അത് എന്തുകൊണ്ടാണെന്ന് മനസ്സിലാകുമെന്നും പൃഥ്വിരാജ് പറയുന്നു.
സ്റ്റീഫൻ നെടുമ്പള്ളി എന്ന രാഷ്‍ട്രീയപ്രവര്‍ത്തകനായിട്ടാണ് മോഹൻലാല്‍ ചിത്രത്തില്‍ എത്തുന്നത്. മഞ്ജു വാര്യരാണ് നായിക. മുരളി ഗോപിയാണ് ചിത്രത്തിന്റെ തിരക്കഥ എഴുതിയിരിക്കുന്നത്.
Post Your Comments