മഹാഭാരതത്തിന് മുന്‍പേ പ്രേക്ഷകര്‍ കാത്തിരിക്കുന്ന മോഹന്‍ലാലിന്‍റെ ബിഗ്‌ ബജറ്റ് ചിത്രമാണ് ഒടിയന്‍. ശ്രീകുമാര്‍ മേനോന്‍ ആദ്യമായി സംവിധാനം ചെയ്യുന്ന ഒടിയന്‍ ക്രിസ്മസ് റിലീസായി പ്രദര്‍ശനത്തിനെത്തും. മോഹന്‍ലാലിന്‍റെ ഗംഭീര മേക്കോവറാണ് ചിത്രത്തെ കൂടുതല്‍ ശക്തിപ്പെടുത്തുന്നത്, കുട്ടിസ്രാങ്ക് എന്ന സിനിമയിലൂടെ മികച്ച തിരക്കഥയ്ക്ക് ദേശീയ അവാര്‍ഡ്‌ ലഭിച്ച ഹരികൃഷ്ണനാണ് ഒടിയന്റെ രചന നിര്‍വഹിക്കുന്നത്.
ഒടിയനെ സംബന്ധിക്കുന്ന പുതിയ വാര്‍ത്ത എന്തെന്നാല്‍ ചിത്രത്തിന് ശബ്ദം നല്‍കി കരുത്തു പകരാന്‍ മലയാള സിനിമയുടെ മറ്റൊരു സൂപ്പര്‍ താരമായ മമ്മൂട്ടിയുണ്ടാകുമെന്നാണ് അറിയുന്നത്,
ചിത്രത്തിലെ പോസ്റ്റര്‍ പുറത്തു വന്നതോടെ ആരാധകര്‍ അമിതപ്രതീക്ഷയിലാണ്. ഒടി വിദ്യയില്‍ പ്രാവിണ്യം നേടിയ കരുത്തുറ്റ കഥാപാത്രത്തെയാണ് മോഹന്‍ലാല്‍ ചിത്രത്തില്‍ അവതരിപ്പിക്കുക. പ്രകാശ്‌ രാജ് ഉള്‍പ്പടെ തെന്നിന്ത്യന്‍ സിനിമയില്‍ നിന്ന് നിരവധി താരങ്ങളും ഒടിയനില്‍ പങ്കാളികളാകും, എം ജയന്ദ്രന്‍ ഈണമിട്ട ഗാനങ്ങളാണ് ചിത്രത്തിന്റെ മറ്റൊരു ആകര്‍ഷണം.
Post Your Comments