വിഘ്നേശിന്റെ തോല്‍വി ആഘോഷമാക്കി നയന്‍താര; വീഡിയോ വൈറല്‍

മലയാള സിനിമയിലൂടെ അഭിനയ രംഗത്ത് എത്തി തെന്നിന്ത്യന്‍ താരറാണിയായി മാറിയ നടിയാണ് നയന്‍താര. തമിഴകത്ത് ലേഡി സൂപ്പര്‍താരമായ നയന്‍താരയുടെ ചിത്രങ്ങള്‍ സോഷ്യല്‍ മീഡിയയില്‍ പലപ്പോഴും വൈറല്‍ ആകാറുണ്ട്. എന്നാല്‍ ഇത്തവണ ഇന്റര്‍നെറ്റില്‍ തരംഗമായത് കാമുകന്‍ വിഘ്നേശ് ശിവന്‍ പങ്കുവച്ച ഒരു വീഡിയോ ആണ്.

നയൻതാരയ്ക്കൊപ്പം എയർ ഹോക്കി കളിക്കുന്ന വീഡിയോയാണ് വിഘ്നേശ് ഇൻസ്റ്റഗ്രാമിൽ പോസ്റ്റ് ചെയ്തത്. മൽസരത്തിൽ വിഘ്നേശിനെ നയൻതാര പുഷ്പം പോലെ തോൽപ്പിച്ചു. ഒപ്പം നയന്‍സിന്‍റെ ആഘോഷവും സോഷ്യല്‍ മീഡിയ ഏറ്റെടുത്തു. ഒരു കൊച്ചുകുട്ടിയെപ്പോലെ തുള്ളിച്ചാടി ആഹ്ളാദിക്കുകയാണ് വീഡിയോയില്‍ നയന്‍സ്.

https://www.instagram.com/p/BoDs0JFjnTo/?utm_source=ig_web_copy_link

കോളിവുഡിലെ പരസ്യമായ രഹസ്യമാണ് വിഘ്നേശ് നയന്‍താര പ്രണയം. ഇവരും പലപ്പോഴും ഒന്നിച്ചുള്ള നിമിഷങ്ങള്‍ സമൂഹമാധ്യമത്തിലൂടെ ആരാധകര്‍ക്കായി പങ്കുവയ്ക്കാറുണ്ട്. കഴിഞ്ഞ സെപ്റ്റംബർ 18 ന് വിഘ്നേശിന്റെ പിറന്നാളായിരുന്നു. പിറന്നാളിന്റെ ഭാഗമായി ഇരുവരും അമൃത്സറിലെ സുവർണ ക്ഷേത്രം സന്ദർശിച്ചിരുന്നു. ഇതിന്റെ ചിത്രങ്ങളും വീഡിയോയും സോഷ്യൽ മീഡിയയിൽ വൈറലായിരുന്നു.