സെറ്റില്‍ അമിത ഫോണ്‍ ഉപയോഗം; യുവനടന് നേരെ വിമര്‍ശനം

മലയാളികള്‍ക്ക് ഏറെ പ്രിയങ്കരനായ തെലുങ്ക് താരമാണ് നാനി. ഈച്ച എന്ന ചിത്രത്തിലൂടെ യുവത്വത്തിന്റെ ഹരമായി മാറിയ നാനി പലപ്പോഴും വിവാദങ്ങളില്‍ കുടുങ്ങാറുണ്ട്. സായ് പല്ലവിയുടെ ചില രീതികള്‍ ഇഷ്ടപ്പെടാതെ സെറ്റില്‍ നിന്നും താരം ഇറങ്ങി പോയെന്നു മുന്പ് വാര്‍ത്തകള്‍ വന്നിരുന്നു. എന്നാല്‍ ഇപ്പോള്‍ നാനിയുടെ അമിത ഫോണ്‍ ഉപയോഗമാണ് ചര്‍ച്ച.

നാഗാര്‍ജുനയും നാനിയും പ്രധാന കഥാപാത്രങ്ങളെ അവതരിപ്പിക്കുന്ന പുതിയ ചിത്രമാണ് ദേവദാസ്. ചിത്രത്തിന്റെ പ്രമോഷന്റെ ഭാഗമായി ഒരു വീഡിയോ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. നാനിയെ നാഗാര്‍ജുന ട്രോളുന്ന വീഡിയോയാണത്.

വീഡിയോയില്‍ സെറ്റില്‍ അമിത ഫോണ്‍ ഉപയോഗം നടത്തുന്ന നാണിയെ ട്രോളുകയാണ് നാഗാര്‍ജ്ജുന. അടുത്ത് സുന്ദരിയായ ഒരു പെണ്‍കുട്ടി വന്നിരുന്നാല്‍ പോലും നാനി അറിയുകയില്ലെന്നാണ് താരത്തിന്റെ വിമര്‍ശനം. ”അത് ഒരു ശീലമാണ്. കൂടുതല്‍ സമയം അവന്‍ ഫോണിലാണ് ചെലവഴിക്കുന്നത്. എന്താണ് അവന്‍ ഫോണില്‍ കാണുന്നതെന്ന് തനിക്കറിയില്ല. സുന്ദരിയായ ഒരു പെണ്‍കുട്ടി അടുത്ത് വന്ന് ഇരുന്നാലും അവന്‍ അതൊന്നും പരിഗണിക്കില്ല. അപ്പോഴും അവന്‍ ഫോണില്‍ തന്നെയായിരിക്കും” നാഗാര്‍ജുന ട്രോള്‍ വീഡിയോയില്‍ പറഞ്ഞു.

My annoying friend Dr.dasu ..tag urs #DevaDasOnSept27th pic.twitter.com/BB1oKffw8E

— Nagarjuna Akkineni (@iamnagarjuna) September 23, 2018