മോഹന്‍ലാല്‍ അവതാരകനായി എത്തുന്ന ടെലിവിഷന്‍ പരിപാടിയാണ് ബിഗ് ബോസ് റിയാലിറ്റി ഷോ. വ്യത്യസ്തരായ പതിനാറു മത്സരാര്‍ത്ഥികളുമായി തുടങ്ങിയ ഷോ എണ്‍പത്തിരണ്ടു ദിവസങ്ങള്‍ പിന്നിടുകയാണ്. വിവിധ ടാസ്കുകളിലൂടെ മുന്നേറുന്ന ഷോയില്‍ നിന്നും എലിമിനെഷനിലൂടെ രഞ്ജിനി ഹരിദാസ്, അനൂപ്‌ ചന്ദ്രന്‍, ശ്വേത മേനോന്‍, ഹിമ തുടങ്ങിയവര്‍ പുറത്തായി. ഷോയില്‍ അവശേഷിക്കുന്ന മത്സരാര്‍ത്ഥികളില്‍ ഒരാളാണ് ഷിയാസ് കരിം.
നിഷ്കളങ്കതയും ബഹളവും കൊണ്ട് കുടുംബത്തിനെ സജീവമാക്കുന്ന ഷിയാസ് മത്സരാര്ഥികളിൽ ഏറ്റവും പ്രായം കുറഞ്ഞ വ്യക്തികൂടിയാണ്. മോഡലും ബോഡി ബിൽഡറുമൊക്കെയായ ശിയാസിന്റെ ജീവിതത്തെ ക്കുറിച്ച് അറിയാം.
കൊച്ചി പെരുമ്പാവൂരിലെ ഒരു സാധാരണ കുടുംബത്തില്‍ ജനിച്ച ഷിയാസ് കേരളത്തിന്റെ മാത്രമല്ല ഇന്ത്യയുടെ തന്നെ പേര് ലോക ശ്രേദ്ധയിൽ എത്തിച്ച ഒരു മോഡലാണ്. പല പ്രമുഖ ഡിസൈനർമാരുടെയും വസ്ത്രങ്ങളുടെ മോഡലായി ഷിയാസ് എത്തിയിട്ടുണ്ട്. തനിക്ക് ഇംഗ്ലീഷ് സംസാരിക്കാൻ അറിയില്ലായിരുന്നെന്നും അന്താരാഷ്ട്ര മത്സരങ്ങളിൽ പങ്കെടുക്കാനാണ് അത് പഠിച്ചെടുത്തതെന്നും ബിഗ് ബോസ് ഹൗസിലെത്തിയപ്പോൾ ഹിമ ശങ്കറോട് ഷിയാസ് പറഞ്ഞിരുന്നു
സിനിമയിൽ അഭിനയിക്കണമെന്ന ആഗ്രഹവുമായാണ് ഷിയാസ് മോഡലിങ്ങിലേക്ക് എത്തുന്നത്. ക്യാപ്റ്റൻ എന്ന ചിത്രത്തിൽ ഒരു ഫുട്ബോൾ കളിക്കാരന്റെ വേഷത്തിൽ എത്തുകയും ചെയ്തിട്ടുണ്ട് ഷിയാസ് കരീം.പരസ്യങ്ങളിലാണ് ആദ്യം ഷിയാസ് പ്രത്യക്ഷപ്പെട്ടിരുന്നത്. അവസാന ഘട്ടത്തിലേക്കടുക്കുന്ന ബിഗ് ബോസ് മത്സരത്തിൽ അവശേഷിക്കുന്ന എട്ടു പേരിൽ ശക്തനായ ഒരു മത്സരാർത്ഥി കൂടിയാണ് ഷിയാസ്.
Post Your Comments