മലയാളം ടെലിവിഷന്‍ പരിപാടികളില്‍ ജനകീയമായി മുന്നേറുകയാണ് മോഹന്‍ലാല്‍ അവതാരകനായി എത്തുന്ന ബിഗ് ബോസ്സ് റിയാലിറ്റി ഷോ. എഴുപത്തിയഞ്ചില്‍ അധികം ദിവസങ്ങള്‍ പിന്നിടുന്ന ഈ ഷോയില്‍ വിജയി ആരായിരിക്കുമെന്ന ചര്‍ച്ചയിലാണ് സോഷ്യല്‍ മീഡിയ.
ബിഗ് ബോസില്‍ നിലവില്‍ എട്ടുപേരാണ് ഉള്ളത്. അതില്‍ ആറ് പേരും ബിഗ് ബോസ് എലിമിനേഷനില്‍ നോമിനേറ്റ് ചെയ്യപ്പെട്ടിരിക്കുകയാണ്. ഈ അവസരത്തില്‍ ഗ്രാന്റ് ഫിനാലെയില്‍ അരിസ്റ്റോ സുരേഷ് വിജയിക്കുമെന്നു തുറന്നു പറയുകയാണ് മറ്റൊരു മത്സരാര്‍ത്ഥി കൂടിയായ പേളി.
ഗ്രാന്റ് ഫിനാലെയില്‍ പങ്കെടുക്കാന്‍ യോഗ്യതയില്ലെന്ന് കരുതുന്ന രണ്ടുപേരെ എലിമിനേഷന്‍ ലിസ്റ്റിലേക്ക് നോമിനേറ്റ് ചെയ്യാന്‍ ബിഗ് ബോസ് പറഞ്ഞതനുസരിച്ച് മത്സരാര്‍ത്ഥികള്‍ ചിലരെ തിരഞ്ഞെടുത്തു. ബഷീര്‍ ബാസി, അര്‍ച്ചന എന്നിവര്‍ പേളി മാണി, ശ്രീനിഷ് അരവിന്ദ് എന്നിവരെയാണ് നോമിനേറ്റ് ചെയ്തത്. ഷിയാസ് കരിം- സാബുവിനെയും അര്‍ച്ചനയെയും നോമിനേറ്റ് ചെയ്തു. ശ്രീനിഷ് സാബുവിനെയും അര്‍ച്ചനയെയും നോമിനേറ്റ് ചെയ്തു.
പേളിയും സാബുവിനെയും അര്‍ച്ചനെയുമാണ് നോമിനേറ്റ് ചെയ്തത്. സാബു തിരിച്ച് ശ്രീനിഷിനെയും പേളിയെയും നോമിനേറ്റ് ചെയ്തു. അരിസ്റ്റോ സുരേഷ് സാബുവിനെയും അര്‍ച്ചനയെയും നോമിനേറ്റ് ചെയ്തു. ക്യാപ്റ്റനായ അതിഥി ബഷീര്‍ ബാസി അരിസ്റ്റോ സുരേഷ് എന്നിവരെയാണ് നോമിനേറ്റ് ചെയ്തത്. ഇതനുസരിച്ച് ആറ് പേര്‍ ഈയാഴ്ചത്തെ എലിമിനേഷന്‍ ലിസ്റ്റില്‍ ഇടംപിടിച്ചു. സാബുമോന്‍, അര്‍ച്ചന സുശീലന്‍, പേളി മാണി, ശ്രീനിഷ് അരവിന്ദ്, അരിസ്റ്റോ സുരേഷ്, ബഷീര്‍ ബാസി എന്നിവര്‍. ലിസ്റ്റില്‍ ഉള്‍പ്പെടാതെയിരുന്നത് ക്യാപ്റ്റന്‍ അതിഥി റായ്‌യും ഷിയാസ് കരീമും മാത്രമാണ്
Post Your Comments