മോഹന്‍ലാല്‍ അവതാരകനായി എത്തുന്ന റിയാലിറ്റി ഷോ ബിഗ് ബോസ് എഴുപതില്‍ അധികം ദിനങ്ങള്‍ പിന്നിട്ടിരിക്കുകയാണ്. രസകരമായ ടാസ്‌കുകളിലൂടെ ഓരോ മത്സരാര്‍ത്ഥികളും മികച്ച പ്രകടനങ്ങള്‍ നടത്തി മുന്നേറുന്ന ഈ ഷോയില്‍ ന്നിന്നും എലിമിനേഷനിലൂടെ ചില മത്സരാര്‍ത്ഥികള്‍ പുറത്താകുന്നുണ്ട്. എന്നാല്‍ ഷോയില്‍ നിന്നും പുറത്തായ ഹിമ തിരിച്ചെത്തി. അതുപോലെ ഒരു മത്സരാര്‍ത്ഥി കൂടി ബിഗ് ബോസിലെയ്ക്ക് തിരിച്ചെത്തുമോ എന്നാണു സോഷ്യല്‍ മീഡിയയിലെ പുതിയ ചര്‍ച്ച.
44 എപ്പിസോഡുകള്‍ പൂര്‍ത്തിയാക്കി പുറത്ത് പോയ മത്സരാര്‍ത്ഥിയായിരുന്നു ദിയ സന. വൈല്‍ഡ് കാര്‍ഡ് എന്‍ട്രിയിലൂടെ ദിയ വീണ്ടും ബിഗ് ബോസിലേക്ക് വരുന്നതായി സോഷ്യല്‍ മീഡിയയില്‍ ചില ചര്‍ച്ചകള്‍ നടക്കുന്നുണ്ട്. എന്നാല്‍ ഈ വാര്‍ത്തയ്ക്ക് ഔദ്യോഗിക സ്ഥിരീകരണം ഉണ്ടായിട്ടില്ല. ഇപ്പോള്‍ തനിക്ക് ബിഗ് ബോസിനോടുള്ള സ്‌നേഹം എത്ര മാത്രമാണെന്ന് തെളിയിച്ചിരിക്കുകയാണ് ദിയ.
കൈയില്‍ ബിഗ് ബോസിന്റെ ചിഹ്നം ടാറ്റു പതിപ്പിച്ചതിന്റെ ചിത്രം പങ്കുവച്ചിരിക്കുകയാണ് ദിയ. ബിഗ് ബോസ് ടാറ്റു എന്ന അടിക്കുറിപ്പോടെയാണ് ഫോട്ടോ വന്നിരിക്കുന്നത്. ഇതിന് താഴെ നിരവധി കമന്റുകളാണ് ആരാധകര്‍ നല്‍കിയിരിക്കുന്നത്. ചിലര്‍ ദിയ വീണ്ടും ബിഗ് ബോസിലേക്ക് വരണമെന്ന ആവശ്യവും ഉന്നയിക്കുന്നുണ്ട്.
Post Your Comments