സെപ്തംബര്‍ 7- ആം തീയതി മമ്മൂട്ടിയുടെ പിറന്നാള്‍ ദിനമാണ്. അന്ന് അദ്ദേഹം തന്റെ പുതിയ പ്രോജക്റ്റുകള്‍ പ്രഖ്യാപിക്കുന്നത് കാത്തിരിക്കുകയാണ് ആരാധകര്‍. എന്നാല്‍ ഇപ്പോള്‍ പുറത്തു വരുന്ന വാര്‍ത്ത തമിഴില്‍ ജയം രവിയുടെ തനി ഒരുവന്‍ എന്ന ചിത്രത്തിന്‍റെ രണ്ടാം ഭാഗത്തില്‍ മമ്മൂട്ടിയും എത്തുന്നുവെന്നാണ്.
അരവിന്ദ് സ്വാമി, നയന്‍‌താര തുടങ്ങിയ താര നിരകള്‍ അണിനിരന്ന തനി ഒരുവന്റെ രണ്ടാം ഭാഗം ഒരുക്കുന്നുവെന്ന വിവരം സംവിധായകന്‍ തന്നെയാണ് പുറത്ത് വിട്ടത്. ജയം രവി തന്നെയാണ് ഇതിലും നായകവേഷത്തില്‍ എത്തുക. മമ്മൂട്ടിയുടെ കഥാപാത്രത്തെ കുറിച്ച് ഔദ്യോഗിക സ്ഥിരീകരണം ഉണ്ടായിട്ടില്ല. ചിത്രത്തിനായി അണിയറ പ്രവര്‍ത്തകര്‍ മമ്മൂട്ടിയെ സമീപിച്ചിട്ടുണ്ടെന്ന അഭ്യൂഹങ്ങളും ശക്തമായിരിക്കുകയാണ്.
Post Your Comments