‘പരസ്പരം’ സീരിയലിലെ ദീപ്തി ഐപിഎസ് ജനഹൃദയങ്ങളില്‍ നിന്നും വിടവാങ്ങിയിരിക്കുന്നു. ദീപ്തി ഐപിഎസിന്റെ അപ്രതീക്ഷിത കൊഴിഞ്ഞു പോക്ക് സ്ത്രീ ആരാധകര്‍ക്കിടയില്‍ താങ്ങാനാകാത്ത നൊമ്പരമായി അവശേഷിക്കുമ്പോള്‍ സീരിയല്‍ ആരാധകരെയും ദീപ്തി ഐപിഎസിനെയും ട്രോളി സീരിയല്‍ വിമര്‍ശകരും രംഗത്ത് എത്തിയിരിക്കുകയാണ്. ദീപ്തിയായി വേഷമിട്ട ഗായത്രി അരുണ്‍ ട്രോളന്മാരെ ട്രോളി കൊണ്ട് രംഗത്തെത്തി.
‘പത്ത് മണിക്ക് വീട്ടില്‍ കയറുന്നവരാണ് എട്ടു മണിക്കുള്ള തന്റെ സീരിയലിനെ പരിഹസിക്കുന്നതെന്നായിരുന്നു’, ഗായത്രിയുടെ പരിഹാസം. നെഗറ്റീവ് അഭിപ്രായങ്ങളെ തകിടം മറിക്കുന്ന പ്രകടനമാണ് പരസ്പരം സീരിയല്‍ കാഴ്ചവെച്ചതെന്നും ഗായത്രി അരുണ്‍ അഭിപ്രായപ്പെട്ടു. ഫേസ്ബുക്ക് ലൈവിലായിരുന്നു ട്രോളന്മാരെ നേരിട്ട് കൊണ്ടുള്ള ഗായത്രിയുടെ മറുപടി.
Post Your Comments