കേരളം കഴിഞ്ഞ കുറച്ചു നാളുകളായി പ്രളയ ദുരന്തത്തില്‍ നിന്നും കരകയറാനുള്ള ശ്രമത്തിലാണ്. പുതു കേരളം സൃഷ്ടിക്കാനായി എല്ലാവരും ഒറ്റക്കെട്ടായി പ്രവര്‍ത്തിക്കുകയാണ്. ഈ അവസരത്തില്‍ മലയാള സിനിമ താരങ്ങൾക്കെതിരെ വിമര്‍ശനവുമായി നടി ഷീല. ഒരു സിനിമയുടെ പ്രതിഫലമെങ്കിലും താരങ്ങൾ പ്രളയക്കെടുതിയില്‍ അകപ്പെട്ടവരെ സഹായിക്കാനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കണമായിരുന്നുവെന്ന് ഷീല പറഞ്ഞു.
നാല് കോടിയുടെ കാറിൽ സഞ്ചരിക്കുന്ന താരങ്ങളുണ്ട്. ദുരിതാശ്വാസ നിധിയിലേക്ക് പണം നൽകാൻ താരനിശ നടത്തി പണം കണ്ടെത്തണമെന്നും ഷീല പറഞ്ഞു. ദുരിതാശ്വാസ നിധിയിലേക്ക് ഷീല അഞ്ച് ലക്ഷം രൂപ കൈമാറി.
Post Your Comments