സംസ്ഥാന അവാര്‍ഡിന്റെ തിളക്കത്തിലും ഇന്ദ്രന്‍സ് എന്ന നടന്‍ വളരെ കൂളാണ്, അത് കൊണ്ടാണ് സിനിമകള്‍ സെലക്ടീവായി തെരഞ്ഞെടുക്കില്ല എന്ന് ഇന്ദ്രന്‍സ് ഒരു പ്രമുഖ സിനിമാ വാരികയോട് വ്യക്തമാക്കിയത്. അങ്ങനെ തെരഞ്ഞെടുത്തു സിനിമകള്‍ ചെയ്‌താല്‍ താന്‍ വീട്ടിലിരിക്കുകയെയുള്ളൂവെന്നും ചില സിനിമാ താരങ്ങള്‍ക്ക് സിനിമ ഇല്ലാത്തത് സെലക്ടീവാകുന്നത് കൊണ്ടാണെന്നും ഇന്ദ്രന്‍സ് തുറന്നടിക്കുന്നു.
‘എന്നെ അഭിനയിക്കാനായി വിളിക്കുമ്പോള്‍ കഥ എന്താണെന്നു പോലും ഞാന്‍ അന്വേഷിക്കാറില്ല. കൂടുതല്‍ ദിവസത്തേക്ക് എന്നിലെ നടനെ അവര്‍ ആവശ്യപ്പെട്ടാല്‍ എന്റെ കഥാപാത്രം എന്താണെന്ന്‍ അന്വേഷിക്കും അത്രമാത്രം’. ഇന്ദ്രന്‍സ് പറയുന്നു.
‘തമിഴില്‍ സിനിമ ചെയ്യാന്‍ ഞാന്‍ ഇഷ്ടപ്പെടുന്നില്ല, തമിഴിലേക്ക് അഭിനയിക്കാന്‍ പോകുമ്പോള്‍ ഏതെങ്കിലും ഒരു മലയാള ചിത്രം എനിക്ക് നഷ്ടപ്പെടുത്തേണ്ടി വരും ,അത് എന്നെ സംബന്ധിച്ച് വിഷമകരമാണ്, എനിക്ക് അറിയാവുന്ന ഭാഷ മലയാളമാണ് അത് കൊണ്ട് തമിഴിലേക്ക് പോകുമ്പോള്‍ ഭാഷയുടെ കാര്യത്തില്‍ അല്‍പം ബുദ്ധിമുട്ടാണ്’. ഇന്ദ്രന്‍സ് വ്യക്തമാക്കുന്നു.
Post Your Comments