ശ്രീനിവാസനും മുകേഷും ഒരു സ്റ്റേജ് ഷോയുമായി ബന്ധപ്പെട്ടു വിദേശത്ത് താമസിക്കവേ പരിചയപ്പെടാന്‍ ഒരു കോടീശ്വരന്‍ വന്നു. പേര് ചോദിച്ചപ്പോള്‍ ‘ഞാന്‍ ഒരു കോടീശ്വരന്‍’ ആണെന്നായിരുന്നു അയാളുടെ ഗമ പറച്ചില്‍, പുറത്ത് അന്വേഷിച്ചാല്‍ അത് മനസ്സിലാകുമെന്നും അദ്ദേഹം മുകേഷിനോട്‌ പറഞ്ഞു.
ഒടുവില്‍ അദ്ദേഹത്തിന്‍റെ അഹങ്കാരത്തിന് ചെറിയ ഒരു പണി കൊടുക്കുക എന്നതായിരുന്നു മുകേഷിന്റെ ലക്‌ഷ്യം. അത് കൊണ്ട് തന്നെ ഇയാള്‍ക്ക് പറ്റിയ ആള്‍ ശ്രീനിവാസനാണെന്ന് മുകേഷ് മനസിലാക്കി.
തൊട്ടപ്പുറത്തെ റൂമില്‍ വിശ്രമിക്കുന്ന ശ്രീനിവാസന്റെ റൂമിനരികിലേക്ക് മുകേഷ് അദ്ദേഹത്തെ കൊണ്ട് പോയി, കതക് തുറന്ന ശ്രീനിവാസനോട് മുകേഷ് പറഞ്ഞു ‘ഒരു കോടീശ്വരന്‍ കാണാന്‍ വന്നിട്ടുണ്ട്’, സ്പോട്ടില്‍ തന്നെ ശ്രീനിവാസന്റെ ചോദ്യമെത്തി, ‘എന്നെ കണ്ടാല്‍ ഒരു കോടി തരുമോ എന്ന് ചോദിക്കൂ’, കാണാന്‍ വന്നാല്‍ ഒരു കോടി തരുമോ എന്നാണ് ശ്രീനിവാസന്‍ ചോദിക്കുന്നത് കോടീശ്വരനോട് മുകേഷ് വ്യക്തമാക്കി.
‘ഹേയ് അതൊന്നും പറ്റില്ല’, ഒരു ഞെട്ടലോടെ കോടീശ്വരന്‍ ഉത്തരം നല്‍കി, ‘എന്നാല്‍ എനിക്ക് അയാളെ കാണണ്ട പൊയ്ക്കോളാന്‍ പറയൂ മുകേഷ്’, എന്നായിരുന്നു ശ്രീനിവാസന്റെ മറുപടി, ഇത് കേട്ട കോടീശ്വരന്‍ അതിവേഗം അവിടെ നിന്ന് സ്ഥലം വിട്ടു..
Post Your Comments